Bale បង្កើតឱកាសបានមួយគ្រាប់យប់មិញជួយឲ្យ Spurs លត់ក្លិប LASK របស់អូទ្រីស ៣-០ (មានវីដេអូ)

បរទេស៖ សម្រាប់ការប្រកួតបើកឆាកវគ្គចែកពូលពានរង្វាន់ UEFA Europa League យប់មិញនេះ ក្លិប Tottenham Hotspur ដែលដឹកនាំដោយលោកគ្រូបង្វឹក Jose Mourinho បានយកឈ្នះក្លិប LASK មកពីប្រទេសអូទ្រីស ក្នុងដីដោយលទ្ធផល៣ទល់នឹង០។ 

ខ្សែបម្រើសញ្ជាតិប្រេសុីល Lucas Moura ជាអ្នករកគ្រាប់បើកឆាកឲ្យ Spurs នៅនាទីទី១៨ ក្រោមការបោះបាល់ឲ្យយ៉ាងស្អាតពីសំណាក់ខ្សែប្រយុទ្ធ​ Alves Morais ដែលទើបតែផ្លាស់ពី Benfica ក្នុងកិច្ចសន្យាខ្ចីជើង។ គ្រាប់ទី២កើតឡើងដោយការស៊ុតចូលទីខ្លួនឯងរបស់ខ្សែការពារក្លិប LASK ក្រោមការបង្កើតឱកាសរបស់កីឡាករវ័យ៣២ឆ្នាំ Gareth Bale ។

ចូលដល់តង់ទី២ ពោលគឺនៅនាទីទី៨៤ កីឡាករ Alves Morais រកបានគ្រាប់ Assist លើកទី២របស់ខ្លួន ដោយបោះបាល់ឲ្យតារាកូរ៉េខាងត្បូង Son Heung-min ដែលដូរចូលជំនួស Bale ស៊ុតបានគ្រាប់ទី៣ឲ្យលោក Jose Mourinho ។ យោងតាមលទ្ធផលនេះ Spurs ឈរលើគេក្នុងពូល J មានបីពិន្ទុស្មើនឹងក្លិប Royal Antwerp របស់ប្រទេសបែលស្សុិក៕

ប្រភព៖ bbc