គួរសើចឬយំ! បុរសម្នាក់ ពិបាកចិត្ដខ្លាំងដល់ថ្នាក់បង្អត់អាហារ ក្រោយដឹងថាលោក ត្រាំ ឆ្លងកូវីដ-១៩...តែទីបំផុតស្លាប់ខ្លួនឯង

ឥណ្ឌា៖ បុរសជនជាតិឥណ្ឌាម្នាក់ ដែលបានសង់រូបសំណាកលោកត្រាំ និងតែងតែគោរពបូជាពេលនេះ​​ បានទទួលមរណភាពហើយ  បន្ទាប់ពីបង្ហោះវីដេអូខ្លីមួយ ដោយនិយាយទាំងទឹកភ្នែករលីងរលោងថា លោកពិបាកចិត្ដយ៉ាងខ្លាំង នៅពេលដឹងថានិមិត្ដរូបរបស់លោកឆ្លងជំងឺកូវីដ-១៩ ។

លោក Bussa Krishna គឺជាកសិករមួយរូប រស់នៅភូមិ Konney រដ្ឋ Telangana ប្រទេសឥណ្ឌា បានទទួលមរណភាពដោយសារជំងឺគាំងបេះដូង ក្នុងអាយុ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​៣៣ឆ្នាំ កាលពីថ្ងៃអាទិត្យសប្ដាហ៍មុន។ អ្នកគាំទ្រដ៏ស្មោះស្ម័គ្ររូបនេះ បានសង់រូបសំណាកលោកដូណាល់ ត្រាំ នៅឯទីសក្ការៈមួយក្បែរផ្ទះរបស់លោក និងចាប់ផ្ដើមគោរពបូជាអស់រយៈពេលជាង៤ឆ្នាំមកហើយ នៅពេលដែលប្រធានាធិបតីរូបនេះ បានបង្ហាញខ្លួនក្នុងសុបិនមួយរបស់លោក។

ជាក់ស្ដែង ប៉ុន្មានថ្ងៃមុនពេលស្លាប់ លោក Krishna បានបង្ហោះឃ្លីបវីដេអូនៅលើគេហទំព័រហ្វេសប៊ុក​ ក្នុងគោលបំណងចង់ឲ្យនិមិត្ដរូបរបស់លោកជាសះស្បើយពីជំងឺ ដែលបានសម្លាប់មនុស្សជាង១លាននាក់ទូទាំងពិភពលោក។ នៅក្នុងនោះ លោកបាននិយាយទាំងទឹកភ្នែករលីងលោងថា៖

ទន្ទឹមនឹងនេះ ក្រុមគ្រួសាររបស់លោក Krishna បានឲ្យដឹងថា លោកថែមទាំងឈប់បរិភោគអាហារទៀតផង ដើម្បីបង្ហាញពីភាពស្មោះត្រង់ និងជួយរំលែកទុក្ខលោកដូណាល់ ត្រាំ។ ដោយឡែក ពាក់ព័ន្ធនឹងមរណភាព បងប្អូនជីដូនមួយរបស់ Krishna បាននិយាយថា លោកជាមនុស្សមានសុខភាពល្អ និងមិនធ្លាប់មានជំងឺបេះដូងពីមុនមកទេ ដូច្នេះយើងមិនមានតម្រុយជុំវិញការស្លាប់យ៉ាងឆាប់រហ័សនេះឡើយ៕

សូមទស្សនារូបភាព និងវីដេអូខាងក្រោម៖