ស្រលាញ់ Idol ដល់ម្លឹង! ក្រោយទទួលបានអាវពីពូដូ កីឡាករ Camavinga សរសេរពាក្យមួយឃ្លាថា...

បារាំង៖ បើទោះបីជាមិនបានចូលលេងឲ្យជម្រើសជាតិបារាំង ពេលប៉ះជាមួយព័រទុយកាល់កាលពីយប់ម្សិលមិញក៏ពិតមែន ប៉ុន្តែខ្សែបម្រើវ័យក្មេង Eduardo Camavinga បានទទួលអាវពីកំពូលខ្សែប្រយុទ្ធ Cristiano Ronaldo នៅពេលចប់ការប្រកួត។ 

ជាក់ស្តែង Ronaldo មានការចាប់អារម្មណ៍ខ្លាំងទៅលើសមត្ថភាពរបស់ Camavinga ក្រោយរូបគេស៊ុតបានមួយគ្រាប់ជួយឲ្យបារាំងយកឈ្នះអ៊ុយក្រែនដោយលទ្ធផល៧ទល់នឹង១ក្នុងជំនួបមិត្តភាពប៉ុន្មានថ្ងៃមុននេះ។ ក្នុងនោះក្រោយទទួលបានអាវពីនិមិត្តរូបរបស់ខ្លួនដូច្នេះ កីឡាករវ័យ១៧ឆ្នាំរូបនេះបានសរសេរពាក្យមួយឃ្លា ភ្ជាប់ជាមួយរូបភាពអាវរបស់ Ronaldo នៅលើគណនី Snapchat របស់ខ្លួនថា រូបគេនឹងមិនយកអាវនោះទៅបោកទឹកនោះទេ។

មួយឃ្លានេះមានន័យថា Camavinga ពិតជាមានការគោរពខ្ពស់ណាស់ទៅលើ Ronaldo ដែលជា Idol របស់ខ្លួនតាំងពីក្មេងមក។ ដោយឡែកកីឡាករជម្រើសជាតិបារាំងរូបនេះក៏កំពុងត្រូវបានក្លិបចាស់របស់ Ronaldo ចាប់អារម្មណ៍ចង់បានទៅរួមក្រុមផងដែរ ពោលគឺក្លិបយក្សអេស៉្បាញ Real Madrid ៕

ប្រភព៖ thesun