ស៊ុតហ្រ្វីឃីគស្អាតណាស់! Higuain រកបានគ្រាប់ទី១របស់ខ្លួនឲ្យក្លិបរបស់ Beckhem ក្នុងការប្រកួតព្រឹកមិញនេះ(មានវីដេអូ)

បរទេស៖ នៅប៉ុន្មានសប្តាហ៍មុននេះកីឡាករវ័យ៣២ឆ្នាំ Gonzalo Higuain បានសម្រេចចិត្តផ្លាស់ចេញពីក្លិបសេះបង្កង់ Juventus ទៅចូលរួមជាមួយក្លិប Inter Miami នៅក្នុងលីកកំពូល Major League Soccer របស់សហរដ្ឋអាមេរិក។ 

ជាមួយគ្នានេះនៅក្នុងការបង្ហាញខ្លួនលើកទី២ កាលពីព្រឹកមិញ Higuain រកបានគ្រាប់ទី១របស់ខ្លួនឲ្យក្លិបថ្មី ដោយការស៊ុតបាល់ហ្រ្វីឃីគពីលើដំបូលទូកយ៉ាងស្អាត។ ក្នុងនោះដែរក្លិប Inter Miami បានយកឈ្នះ New York Red Bulls ក្រៅដីដោយលទ្ធផល១ទល់នឹង២។ 

គួរឲ្យដឹងដែរថាក្លិបដែលមានលោក David Beckhem ជាម្ចាស់ភាគហ៊ុនមួយនេះទើបតែបង្កើតឡើងបាន២ឆ្នាំប៉ុណ្ណោះ  ហើយនៅពេលនេះកំពុងតែឈរនៅលេខរៀងទី១២ក្នុងតារាងលីគកំពូលអាមេរិក។ ម៉្យាងវិញទៀតក្រៅពី Higuain នៅមានអតីតកីឡាកររបស់ Juventus ម្នាក់ទៀតដែលបានផ្លាស់មកលេងឲ្យក្លិបមួយនេះ ពោលគឺកីឡាករ Blaise Matuidi ៕

ប្រភព៖ thesun