ចូលរួមអបអរសាទរ បេក្ខនារីតំណាងឲ្យខេត្តកំពង់ធំ ក្លាយជាម្ចាស់ជ័យលាភី Miss Grand Cambodia ២០២០

ភ្នំពេញ៖ ជាការពិត ពីមួយឆ្នាំទៅមួយឆ្នាំ កម្មវិធី Miss Grand Cambodia តែងតែប្រកាសជ្រើសរើសនៅបេក្ខភាព ដែលមានរូបសម្រស់ស្រស់ស្អាត និងមានសមត្ថភាពខ្ពស់ គូបផ្សំនឹងចំណេះដឹងជ្រៅជ្រះផងដែរ។ ដោយកម្មវិធីមួយនេះ តែងតែធ្វើឡើងជារាងរាល់ឆ្នាំ ដើម្បីរើសនៅបេក្ខភាពណាម្នាក់សាកសមជាម្ចាស់មកុដ ហើយអាចឈានជើងទៅចូលរួមប្រកួតនៅលើឆាកអន្តរជាតិតំណងឲ្យប្រទេសកម្ពុជា។ 

យ៉ាងណាមិញ កាលពីពេលថ្មីៗនេះ កម្មវិធី Miss Grand Cambodia ឆ្នាំ ២០២០ នេះ ក៏បានធ្វើការជ្រើសរើស និងជម្រុះនៅបេក្ខភាពជាច្រើនរូប ដើម្បីសម្រិតសម្រាំងយកតែបេក្ខនារីរូបណា ដែលមានចំណេះដឹងខ្ពស់ និងសម្រស់លេចធ្លោ និងអាចក្លាយជាបវរកញ្ញាឆ្នាំនេះ។ ក្នុងនោះដែរ បន្ទាប់ពីធ្វើការប្រកួតអស់រយៈពេលជាច្រើនសប្ដាហ៍កន្លងមកនេះ កាលពីយប់មិញនេះ ក៏ដល់វគ្គផ្ដាច់ប្រកួតព្រ័ត្រ ហើយនឹងដឹងថាអ្នកណាសាកសមគ្រងនៅតំណែង Miss Grand Cambodia ឆ្នាំ ២០២០​ នេះ ដោយម្ចាស់ជ័យលាភីបានទៅលើបេក្ខនារីតំណាងឲ្យខេត្តកំពង់ធំ មានឈ្មោះ សេង រដ្ឋា ផងដែរ។ 

ជាក់ស្ដែង ដោយយើងឃើញថា ពីមួយវតគ្គទៅមួយវគ្គ ម្ចាស់ជ័យលេភី Miss Grand Cambodia កញ្ញា សេង រដ្ឋា ពិតជាមានភាពលេចធ្លោ និងទទួលបានការសរសើរច្រើនពីមហាជន ដែលនាងមានទាំងសមត្ថភាព និងរូបសម្រស់ស្រស់សោភាបែបធម្មជាតិគួរឲ្យចាប់អារម្មណ៍ផងនោះ។ ក្រោយក្លាយជាម្ចាស់មកុដបវរកញ្ញាកាលពីយប់មិញនេះ មានមហាជនជាច្រើន បានចូលរួមអបអរសាទរដល់រូបនាង ដែលបានក្លាយជាម្ចាស់ពាន់យ៉ាងដូច្នេះ៕

សូមទស្សនារូបភាពខាងក្រោម៖​