បាត់យូរ Mr Bean នឹងលេចមុខក្នុងខ្សែភាពយន្ត Peaky Blinders?

បរទេស៖ ជាយូរលង់ណាស់មកហើយដែល តារាកំប្លែង Rowan Atkinson ទស្សនិកជនភាគច្រើនបានស្គាល់ឈ្មោះថា Mr Bean បានបង្ហាញខ្លួនតាមរយៈភាពយន្តបែបកំប្លែងជាច្រើន ដែលលោកបានសម្តែង ដែលធ្វើឲ្យទស្សិកជនមិនតិចនាក់ទេ បានសើចសប្បាយ ជាមួយនឹងកាយវិការចម្លែកនិង កំប្លែងៗផងដែរ។

ជាការពិតណាស់ តារាជើងចាស់ដែលជាអនុបណ្ឌិតជំនាញផ្នែកអគ្គិសនីរូបនេះ បានបង្ហាញខ្លួនជាលើកដំបូងជាតួអង្គ Mr Bean នៅក្នុងឆ្នាំ១៩៩០និង​ បានថតជាវគ្គបន្តបន្ទាប់រហូតដល់រឿងនេះត្រូវបាន បញ្ចប់នៅក្នុង១៩៩៥ ដោយបន្តសម្តែង នៅក្នុងខ្សែភាពយន្ត Johnny English មាន៣វគ្គ នៅក្នុងឆ្នាំ ២០០៣ ២០១១​និង ឆ្នាំ២០១៨ ។

ដោយឡែក នៅក្នុងបណ្តាញសង្គមសព្វថ្ងៃ តួអង្គ Mr Bean រូបនេះកំពុងតែផ្ទុះយ៉ាងខ្លាំងទៅនឹងប្រធានបទតារាប្រុសម្នាក់នេះ នឹងក្លាយជាតួអង្គថ្មីនៅក្នុងខ្សែភាពយន្ត​បែបឃាតកម្ម «Peaky Blinders» រដូវកាលទី៦ ដែលរដូវមុនៗកំពុងតែល្បីខ្លាំង ដោយមានទស្សនាច្រើនលើសលប់ ប៉ុន្តែគួរឲ្យសោកស្តាយដែល ភាពយន្តនេះត្រូវបានពន្យារពេលការផលិតទៅឆ្នាំ ២០២១ឬ ២០២២ ដោយសារតែការវាយលុករបស់វីរុសកូវីដ១៩ ។

ទោះបីជាយ៉ាងណាក៏ដោយ យើងមិនទាន់ដឹងច្បាស់ថា ព័ត៍មានកំពុងតែផ្ទុះនេះ អាចនឹងក្លាយទៅជាការពិតឬ យ៉ាងណាឡើយ ដោយមានរង់ចាំមើលតទៅទៀតសិន៕

សូមចូលមើលរូបភាពខាងក្រោម៖