អង់គ្លេស៖ ក្រោយត្រូវធ្លាក់ចេញពី Premier League ទៅលេងនៅក្របខ័ណ្ឌ Championship វិញនៅរដូវកាលថ្មីនេះ ក្លិប Bournemouth ហាក់ដូចជាមានភាពមមាញញឹកខ្លាំងក្នុងការលក់កីឡាករជួរមុខមួយចំនួនចេញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សស្របពេលជាមួយគ្នានេះមានកីឡាករតម្លៃខ្លួនថ្លៃ២រូបមកហើយដែលបានចាកចេញពីក្លិបមួយនេះ ពោលគឺខ្សែការពារ Nathan Ake ផ្លាស់ទៅលេងឲ្យក្លិប Manchester City និងកីឡាករ Callum Wilson ផ្លាស់ទៅចូលរួមជាមួយក្លិប Newcastle United ។
ក្រៅពីនេះ Bournemouth នៅមានគម្រោងបញ្ចេញតារាជួរមុខពីររូបទៀតគឺកីឡាករ Joshua King និង David Brooks ។ ហើយសម្រាប់តារាជម្រើសវែលស៍ Brooks កំពុងតែជាគោលដៅតាមទិញរបស់ក្លិបធំៗនៅ Premier League ជាពិសេសគឺក្លិបបិសាចក្រហម Manchester United ។
ដោយឡែកសម្រាប់តម្លៃខ្លួនរបស់ Brooks ក្លិប Bournemouth ទាមទារដល់ទៅ៥០លានផោនឯណោះ (ឬប្រមាណ៦៤លានដុល្លារ)។ ហើយក្រៅពី Man Utd ក្លិប Leicester City ក៏កំពុងតាមចរចាយ៉ាងស្អិតផងដែរដើម្បីយកខ្សែបម្រើវ័យ២៣ឆ្នាំរូបនេះទៅរួមក្រុម៕
ប្រភព៖ sportsmole