ក្រសួងអប់រំ ព្រមានផ្អាកកន្លែងលេងបាល់ទះ ក្រោយឃើញមានអ្នកចូលទស្សនាផ្ទាល់ច្រើនកុះករ

ភ្នំពេញ៖ នៅក្នុងថ្ងៃទី១១ ខែកញ្ញា ឆ្នាំ២០២០ កាលពីម្សិលមិញនេះ ក្រសួងអប់រំ យុវជន និងកីឡា បានព្រមានផ្អាកសកម្មភាពកីឡានានា ជាពិសេសនៅកន្លែងលេងកីឡាបាល់ទះ ក្រោយឃើញមានកន្លែងមួយចំនួននៅតាមរាជធានី ខេត្ត បានបើកទូលាយឲ្យអ្នកចូលរួមទស្សនាច្រើនកុះករ មិនបានគោរពតាមគោលការណ៍ណែនាំរបស់ គណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ១៩ និងក្រសួងអប់រំ ឲ្យបានត្រឹមត្រូវនៅឡើយទេ។

ការចេញលិខិតនេះ គឺដោយសារតែក្រសួង មានការព្រួយបារម្ភ ខ្លាចកើតមានឡើងនូវការឆ្លងជំងឺកូវីដ១៩ រលកទី២ ដូច្នេះហើយក្រសួងក៏បានស្នើឲ្យមានការយកចិត្តទុកដាក់ខ្ពស់ ពីស្ថាប័នទទួលខុសត្រូវ អជ្ញាធរដែនដី និងការចូលរួមអនុវត្តពីមហាជន។ មិនត្រឹមតែប៉ុណ្ណោះ ក្រសួងក៏ស្នើឲ្យមានការត្រួតពិនិត្យ កន្លែងលេងកីឡា ដើម្បីធ្វើការណែនាំ ក៏ដូចជាផ្អាកនូវសកម្មភាពណាមួយដែលមិនគោរពតាមវិធានសុវត្ថិភាពសុខភាពរបស់ក្រសួងសុខាភិបាល៕

សូមអានសេចក្តីលម្អិត នូវលិខិតរបស់ក្រសួងអប់រំនៅខាងក្រោមនេះ៖

ប្រភព៖ MoEYS Cambodia