លោក Juninho នាយកផ្នែកកីឡារបស់ក្លិប Lyon សង្ឃឹមថាអតីតខ្សែប្រយុទ្ធឆ្នើមរបស់ខ្លួនកីឡាករ Karim Benzema នឹងត្រលប់មកក្លិបកំណើតវិញមុនពេលគាត់ចូលនិវត្តន៍។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Juninho បានប្រាប់ RMC Sport ថា៖ វាគឺជាក្តីសុបិនរបស់យើងសម្រាប់ការដែលចង់ឱ្យ Karim Benzema មកបញ្ចប់អាជីពរបស់គាត់ជាមួយក្លិបចាស់វិញ។ វាគឺជាក្តីសុបិនរបស់អ្នករាល់គ្នានៅនៅលីយ៉ុននេះក្នុងការនាំគាត់ត្រលប់មកវិញដើម្បីលេងជាមួយយើង២រដូវកាល ដូចជាការលេងនៅ Champions League ធ្វើជាអ្នកដឹកនាំក្រុមរកគ្រាប់បាល់ និងចែករំលែកបទពិសោធន៍របស់គាត់ដល់យើង និងជួយយើងឱ្យឈ្នះការប្រកួតផ្សេងៗ។
Benzema បានចាប់ផ្តើមអាជីពរបស់គាត់ជាមួយថ្នាលយុវជនរបស់ក្លិប Lyon ហើយបានចូលរួមជាមួយឈុតធំនៅឆ្នាំ ២០០៥ ។ ក្រោយមកទៀត គាត់បង្ហាញនូវភាពលេចធ្លោ ដែលធ្វើឱ្យក្លិបយក្សអេស្ប៉ាញ Real Madrid បានចុះកុងត្រាយកគាត់ ៤ ឆ្នាំក្រោយមក និងបានក្លាយជាខ្សែប្រយុទ្ធឆ្នើមមានភាពល្បីល្បាញខ្លាំងតាំងពីពេលនោះមក ដោយបានឈ្នះពានរង្វាន់ Champions League ៤ សម័យកាល ពាន La Liga ៣ សម័យកាល និង Spanish Cup ២ សម័យកាលផងដែរ៕
ប្រភព៖ Tribuna
Bong I.T