ភ្នំពេញ៖ ប្រិយមិត្តមួយចំនួនដែលនិយមស្វែងរកកន្លែងដើរកម្សាន្តថ្មីៗនៅក្នុងរាជធានីភ្នំពេញ ប្រាកដជាបានជ្រាបខ្លះៗមកហើយពីដំណឹងនៃការត្រៀមបើកដំណើរការសួនដាយណូស័រដ៏ធំមួយនៅតំបន់ផ្លូវរណបថ្មី ជ្រោយចង្វារ ត្រើយម្ខាង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រោយពីការសាងសង់យ៉ាងសម្រិតសម្រាំងស់មួយរយៈមក ពេលនេះសួនកម្សាន្តដែលមានឈ្មោះថា Dinosaurs Alive បានចាប់ផ្តើមដំណើរការបើកលក់សំបុត្រសម្រាប់ភ្ញៀវចូលរួមកម្សាន្តចាប់ពីថ្ងៃទី ០៤ ខែសីហា ឆ្នាំ២០២០ នេះតទៅហើយ ពីវេលាម៉ោង ៩ព្រឹក ដល់ម៉ោង ៧យប់ ដោយសំបុត្រចូលទស្សនាមានតម្លៃ ៨ដុល្លារ សម្រាប់មនុស្សធំ និង ៥ដុល្លារ សម្រាប់កុមារ ថែមទាំងមានប្រូម៉ូសិនយ៉ាងពិសេសៗជាច្រើនទៀតផងដែរ។
តាមរយៈរូបភាពខ្លះៗពីទិដ្ឋភាពខាងក្នុងសួនដាយណូស័រនេះ អាចបង្ហាញឱ្យយើងឃើញថា ទីនោះពិតជាមានការរៀបចំយ៉ាងស្រស់ស្អាតអមដោយដាយណូស័រតូចធំជាច្រើនក្នុងបរិវេណសួនទាំងមូល មិនតែប៉ុណ្ណោះក៏មានទូកចែវលេងកម្សាន្ត និងសម្បូរប្លង់ស្អាតៗមិនតិចទេ សម្រាប់ភ្ញៀវទាំងឡាយដែលចូលចិត្តថតរូបលេងទុកជាអនុស្សាវរីយ៍៕
សូមទស្សនារូបភាពខាងក្រោម៖