ពិតឬអត់ហ្នឹង! ពូ Rey Mysterio របូតគ្រាប់ភ្នែកចេញគួរឲ្យរន្ធត់ ក្នុងការប្រកួតជាមួយ Seth Rollins

បរទេស៖ កំពូលអ្នកកីឡាកាសមាឌតូច Rey Mysterio ត្រូវបានបញ្ជូនទៅមន្ទីរពេទ្យភ្លាមៗ ក្រោយមានរបួសរបូតគ្រាប់ភ្នែកដ៏គួរឲ្យរន្ធត់ ក្នុងការប្រកួត Extreme Rules ជាមួយ Seth Rollins កាលពីម្សិលមិញនេះ។

បុរសពាក់ស្រោមមុខដ៏អាដ៍កំបាំងបានចាញ់ការប្រកួត ដែលតម្រូវឲ្យភាគីម្ខាងៗខ្វេះគ្រាប់ភ្នែកដៃគូ ដើម្បីទទួលបានជ័យជម្នះ។ Seth Rollins បានក្អួតនៅក្បែរសង្វៀន ក្រោយឃើញគ្រាប់ភ្លែករបស់ 619 បានលានចេញមកក្រៅស្តែងៗ។

ក្រោយពីហេតុការណ៏ដ៏ព្រឺព្រួចមួយនេះ ស្ថាប័ន WWE បានបញ្ជាក់ថា Rey Mysterio បានបញ្ជូនទៅមន្ទីរពេទ្យ ដើម្បីសង្គ្រោះភ្លាមៗ។ លទ្ធផលគ្រូពេទ្យបញ្ជាក់ថា គ្រាប់ភ្នែកត្រូវបាននៅខុសកន្លែង បើសរសៃប្រសាទបញ្ចូនពត៌មានទៅខួរក្បាលមិនអីនោះគាត់នឹងមានសង្ឃឹមច្រើន។

យ៉ាងណាក៏ដោយតាមការជាក់ស្តែកវាមិនអាចជាការពិតឡើយ នេះគ្រាន់តែជាយុទ្ធសាស្រ្តរបស់សង្វៀន WWE ធ្វើដូច្នេះដើម្បីឲ្យ Rey Mysterio សម្រាកពីសង្វៀនមួយរយះ ដោយហេតុថាគាត់ចប់កុងត្រាជាមួយស្ថាប័នមួយនេះ និងអាចត្រលប់មកវិញក្នុងពេលណាមួយ ដូចកីឡាករចាស់ៗមួយចំនួនផងដែរ៕

ប្រភព៖ The Sun