រកឃើញហើយ! អេលីត ចំរើន ប្រើរន្ទះជើងរបស់ខ្លួនផ្តួល វ៉ាន់ វឿន ក្លាយជាម្ចាស់ជើងឯកខ្សែក្រវ៉ាត់មាស អមដោយប្រាក់រង្វាន់១ម៉ឺនដុល្លារ

ភ្នំពេញ៖ ការប្រកួតវគ្គផ្តាច់ព្រ័ត្រ ដណ្តើមខ្សែក្រវ៉ាត់មាស អធិរាជគុនខ្មែរ នៅសង្វៀនភីអ៊ិនអ៊ិន រួមជាមួយប្រាក់រង្វាន់ ៤០លានរៀល កាលពីថ្ងៃអាទិត្យម្សិលមិញនេះ ពិតជាកក្រើកមិនធម្មតានៅក្នុងវិស័យកីឡាប្រដាល់គុនខ្មែរ។

វ៉ាន់ វឿន និង អេលីត ចំរើន សុទ្ធតែជាកីឡាករជើងខ្លាំងនៅក្នុងប្រភេទទម្ងន់៥៧គីឡូក្រាម ដែលពួកគេគឺជាបេក្ខភាពពីររូបត្រូវប្រកួតគ្នាដណ្តើមយកលេខមួយ ដើម្បីក្លាយជាម្ចាស់ជើងឯក។ ក្នុងការប្រកួតរវាងអ្នកទាំងពីរ ពិតជាធ្វើឲ្យអ្នកទស្សនាជក់ចិត្តជាខ្លាំង ដោយការសម្រុកគ្នាឥតល្ហែ តាំងពីទឹកទី១មកម្ល៉េះ ប៉ុន្តែនៅក្នុងទឹកទី៤ ចំរើន បានប្រើរន្ទះជើងឆ្វេងរបស់ខ្លួន ទាត់រហូតធ្វើឲ្យកូនសិស្សលោកគ្រូ ធន់ សុភា កីឡាករ វ៉ាន់​ វឿន ខូចដៃមិនអាចបន្តការប្រកួតទៀតបាន។

ទីបំផុតក៏សូមអបអរ ម្ចាស់ជើងឯកខ្សែក្រវ៉ាត់មាស អធិរាជគុនខ្មែរ កីឡាករ អេលីត ចំរើន មកពីក្លិបប៉ែនកាក់គុនខ្មែរ ដែលជាកូនសិស្សលោកគ្រូ ស៊ន អេលីត ហើយក៏ចូលរួមសោកស្តាយទៅដល់កីឡាករ វ៉ាន់ វឿន ផងដែរ៕

ប្រភព៖ PNN Sports