ខ្សែ​​​ប្រយុទ្ធ​​ឆ្នើម PSG ម្នាក់នេះ នឹង​មិន​ចូលរួម​​​ប្រ​កួត​​ Champions​ League ហើយសម្រេចចិត្ត​​​ចាក​​ចេញ​​ពី​​ក្លិប

Edinson Cavani នឹងមិនចូលរួមក្នុងការប្រកួតដែលនៅសល់នៃក្របខ័ណ្ឌ Champions League ជាមួយ Paris Saint-Germain ឡើយ។ ទាំង Cavani និងក្លិប Paris Saint-Germain បានឈានដល់​កិច្ចព្រមព្រៀង​មួយដែលកីឡាករអន្តរជាតិអ៊ុយរូហ្គាយរូបនេះនឹកចាកចេញពីក្លិបនៅថ្ងៃទី ៣០ ខែមិថុនានេះ ដែលជាពេលកុងត្រារបស់គាត់ត្រូវបញ្ចប់ផងដែរ។

ដូចដែល Marca បានដឹងថា Cavani ចង់ផ្តោតលើសំណើរថ្មី ហើយក៏បានសម្រេចចិត្តចាកចេញពីក្លិបភ្លាមៗ​នៅពេលដែលកុងត្រាបច្ចុប្បន្នរបស់គាត់ក៏ជិតឈានដល់ទីបញ្ចប់ផងដែរ។

PSG បានឡើងទៅវគ្គ ១/៤ (Quarter-final) នៃពានរង្វាន់ UEFA Champions League ដែលការ​ប្រកួតនឹងធ្វើឡើងតែមួយជើងតែប៉ុន្នោះនៅទីក្រុង Lisbon ប្រទេស Portugal ។

កីឡាករសញ្ជាតិអ៊ុយរូហ្គាយរូបនេះនឹងវិលត្រឡប់មកកាន់ទីក្រុងប៉ារីសវិញក្នុងរយៈពេលពីរបីថ្ងៃទៀតដើម្បីរៀបចំ​រឿងផ្ទាល់ខ្លួនមួយចំនួន និងមកលាគ្នាលើកចុងក្រោយទៅកាន់ក្លិបដែលធ្វើឱ្យគាត់បានក្លាយជាកីឡាករដែលរក​គ្រាប់បាល់បានច្រើនផងដែរ។

ប្រភព៖ Marca