សូម្បីងូតទឹក​ក៏មានវិធី! កុំប្រើសាប៊ូ​លើ​ខ្លួន​ច្រើន​ពេក តែ​ត្រង់​បាត​​​ជើង​ និង​ក្រលៀន​​ទើប​ចាំ​បាច់

គេហទំព័រ The Guardian បានបង្ហាញពីរបៀបនៃការងូតទឹកប្រចាំថ្ងៃ ដើម្បីមិនឲ្យប៉ះពាល់ដល់ស្បែកដូចជា ស្ងួត​ស្បែក​ និងរមាស់ស្បែកជាដើម។

ការងូតទឹក គឺមានភាពខុសគ្នារវាងមនុស្សចាស់ និងទារក ហើយសម្រាប់វ័យមនុស្សចាស់គឺទាមទារងូតទឹក​ឲ្យបានញឹកញាប់ ព្រោះដើម្បីធ្វើឲ្យស្បែករបស់ពួកគេមានសំណើម។ ដោយឡែកសម្រាប់ទារកវិញ​គឺទាមទារ​ឲ្យងូតទឹកចំនួន ២ដង ក្នុងមួយថ្ងៃដើម្បីឲ្យពួកគេត្រជាក់ស្បែក និងមានសំណើម។ការងូតទឹកគឺមានសារៈសំខាន់ណាស់សម្រាប់ស្បែក ដោយវាបានជ្រាបចូលទៅក្នុងស្បែកហើយចិញ្ចឹម និងបាន​តភ្ជាប់​ទៅនឹងកោសិកាស្បែកដែលងាប់ឲ្យរស់ឡើងវិញបានផងដែរ។

ការងូតទឹកច្រើនដងពេកវាក៏អាចបង្កជាហានិភ័យផងដែរចំពោះស្បែករបស់យើង។ ក្រោយពេលដែល​អ្នកងូតទឹករួច អ្នកគួរតែប្រើប្រាស់នៅក្រែមសំណើមលាបទៅលើស្បែករបស់អ្នកដើម្បីជួយទប់នូវភាពសំណើមរបស់ស្បែកបានយូរ និងជាពិសេសជួយចិញ្ចឹមកោសិកាស្បែករបស់អ្នកឲ្យបានល្អថែមទៀតផង។

បន្ថែមពីនេះទៅទៀតអ្នកមិនចាំបាច់ប្រើប្រាស់សាប៊ូដុះនៅលើផ្ទៃខ្លួនច្រើនពេកនោះទេ ប៉ុន្តែកន្លែងដែលអ្នកគួរតែ​សម្អាតនោះគឺត្រង់បាតជើង និងត្រង់កន្លែងក្រលៀន ព្រោះទីតាំងទាំងពីរនេះជាតំបន់ដែលអាចបង្កមេរោគយ៉ាងច្រើន​ដែលអាចបណ្ដាលឲ្យប៉ះពាល់ដល់សុខភាពអ្នកបានផងដែរ៕