ជីវិតBitoey ផូរផង់ម៉្លេះ! គ្រួសារមានសុភមង្គល ឥឡូវបង្អួតទិដ្ឋភាពខាងក្នុងផ្ទះ គួរឲ្យចង់រស់នៅណាស់

ថៃ៖ ចាប់តាំងពី តារាចម្រៀងស្រីដ៏មានប្រជាប្រិយភាព Bitoey RSiam មានផ្ទៃពោះមក នាងក៏បានប្រកាសឈប់សម្រាកពីវិស័យសិល្បៈ ក្នុងរយៈពេល ២ ឆ្នាំ ក្នុងការត្រៀមខ្លួនដើម្បីសម្រាលកូន ព្រមទាំងនៅមើលថែរក្សាកូនតូចរបស់នាង ផងដែរ។​

ដោយឡែក បន្ទាប់ពីឈប់សម្រាកពីការងារបែបនេះ នាងតែងតែបានបង្ហាញពី សកម្មភាពនៅក្នុងគ្រួសារយ៉ាងផ្អែមល្ហែម ដែលធ្វើឲ្យហ្វេនៗរឹតតែចង់តាមដាន ជាពិសេសនោះ ក៏បានបង្ហាញឲ្យឃើញពីការយកចិត្តទុកដាក់ និងការមើលថែរក្សាពីស្វាមី ដែលមានចំពោះនាង ថែមទៀតផង។

ប៉ុន្តែ ថ្មីៗនេះ Bitoey និងស្វាមីរបស់នាង កាន់តែធ្វើឲ្យហ្វេនៗរឹតតែចាប់អារម្មណ៍ខ្លាំង ជាមួយនឹងការបង្ហាញឲ្យឃើញពី ទិដ្ឋភាពនៅក្នុងផ្ទះថ្មីរបស់នាង ដែលជាកាដូទុកសម្រាប់ កូនជាទីស្រលាញ់របស់អ្នកទាំងពីរផងដែរ ។ មិនត្រឹមតែប៉ុណ្ណោះ បើងាកមកមើលផ្នែកខាងក្នុងផ្ទះ មួយនេះវិញឃើញថា ពិតជាមានភាពស្រស់ស្អាត គ្រប់ជ្រុងជ្រោយទាំងអស់ មិនថាបន្ទប់គេង បន្ទប់ទទួលភ្ញៀវ ផ្ទះបាយ នោះទេ សុទ្ធតែមានការតុបតែងនិងរចនាម៉ូត ជាមួយនឹងគ្រឿងសង្ហារឹម យ៉ាងប្រណីត ដែលអ្នកណាៗបានឃើញហើយ ពិតជាចង់ទៅរស់នៅគ្រប់ៗគ្នាតែម្ដង៕

សូមទស្សនារូបភាពខាងក្រោម៖