កម្រឃើញ! ផ្ទះកុលសម្ព័ន្ធសម័យបុរេប្រវិត្ត អាយុកាលប្រហែល២៥,០០០ឆ្នាំ ប្រើប្រាស់ឆ្អឹងដំរីស្តរ ដើម្បីសាងសង់

ប្រទេស​រុស្ស៊ី៖ ថ្មីៗនេះដោយមានសារព័ត៌មានរុស្ស៊ីមួយបានផ្សាយថា ផ្ទះកុលសម្ព័ន្ដដែលមានអាយុកាលប្រមាណជា២៥,០០០ឆ្នាំមួយនៅសម័យបុរេប្រវិត្តដែល ត្រូវអ្នកស្រាវជ្រាវរកឃើញនឹង បានដាក់តាំងនៅក្នុងសារមន្ទីរមួយ ដោយអនុញ្ញាតិ្តឲ្យភ្ញៀវទេសចរណ៍ចូលមកទស្សនាកម្សាន្តបានផងដែរ។

ដោយឡែក អ្នកបុរាណវិទូបានវិភាគថា ផ្ទះកុលកុលសម្ព័ន្ធមួយនេះគឺបានសាងសង់ដោយ អ្នកប្រម៉ាញ់ដំរីស្តរធំៗប្រភេទ Mammoth ដែលជាពពួកដំរីមានទំហំធំជាងដំរីធម្មតាប្រហែលជាពីរដងព្រមទាំង មានភ្លុកធំវែង និងកោងខ្លាំងផងដែរ។ ក្រៅពីយកឆ្អឹងដំរីនោះមកធ្វើជាផ្ទះ​ ពួកគេក៏បានយកសាច់ដែលនៅសេសសល់ មកធ្វើជាខោអាវសម្រាប់ស្លៀកពាក់ផងដែរ។

គួរបញ្ជាក់ថាទីលំនៅស្នាក់អាស្រ័យរបស់មនុស្សជំនាន់ដើមមួយនេះ ត្រូវបានសាងសង់ដោយបច្ចេកទេស ដែលអាចការពារមនុស្សនឹងអាកាសធាតុត្រជាក់ខ្លាំងបានយ៉ាងមាន​ប្រសិទ្ធភាពផងដែរ៕

សូមចូលមើលរូបភាពខាងក្រោម៖