ភ្នំពេញ៖ ប្រិយមិត្តដែលនិយមតាមដានពី ជីវិតក្រៅឆាករបស់ តារាចម្រៀងប្រុសសម្លេងមានទឹកដម លោក កែវ វាសនា ច្បាស់ជាបានដឹងរួចហើយថា រូបលោក និងគ្រួសារ មានជីវភាពកាក់កបកម្រិតណា មានទាំងឡានទំនើប ផ្ទះវីឡាធំស្កឹមស្កៃ ថែមទាំង ជីវិតគ្រួសារ ដ៏មានសុភមង្គលផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលើសពីនេះ កន្លងមក តារារូបនេះ ទើបតែបើកបង្ហាញផ្ទះវីឡាធំស្កឹមស្កៃ មានតម្លៃរហូតដល់ទៅ ៨០ម៉ឺនដុល្លារឯណោះ ដែលទិដ្ឋភាពខាងក្នុងពិតជាប្រណីត មានការរៀបចំដេគ័រយ៉ាងប្លែកភ្នែក ឃើញហើយគួរឲ្យចង់រស់នៅណាស់។
យ៉ាងណាមិញ មកទល់នឹងថ្ងៃនេះដែរ គឺជាថ្ងៃជោគ ថ្ងៃជ័យវេលាល្អ សម្រាប់ក្រុមគ្រួសារ កែវ វាសនា ទាំងមូល ដោយបានប្រព្រឹត្តិកម្មវិធីសូត្រមន្តឡើងផ្ទះថ្មី ជួបជុំជាមួយគ្រួសារទាំងសងខាង។
លើសពីនេះ ទោះបីជា ពិធីទាំងមូល មានតែក្រុមគ្រួសារ មិនសូវធ្វើធំដុំក៏ពិតមែន តែបើមើលតាមរយៈរូបថតដែលភរិយា កែវ វាសនា បានបង្ហោះក្នុងហ្វេសប៊ុក ពិតជាពោរពេញដោយសុភមង្គលខ្លាំង ដោយសមាជិកនីមួយៗ ប្រកបដោយស្នាមញញឹម ពេញចិត្តរីករាយខ្លាំងណាស់៕