បុរសម្នាក់នេះ ស្ដាយក្រោយពេលធ្លាក់ខ្លួនឈឺ បន្ទាប់ពីមើលងាយជំងឺកូវីដ-១៩

អង់គ្លេស៖ អ្នកជំងឺកូវីដ-១៩ម្នាក់ ឈ្មោះថា Calum Wishart អាយុ២៥ឆ្នាំ មកពីទីប្រជុំជន Paisley ស្ដាយក្រោយជាខ្លាំងនៅពេលមានអាការក្អកធ្ងន់ធ្ងរ ពិបាកដកដង្ហើម និងក្រោកមិនរួចពីលើគ្រែពេទ្យ បន្ទាប់ពីមើលងាយជំងឺនេះ។

យ៉ាងណាមិញ ឥឡូវនេះ លោក Calum បានជាសះស្បើយពីជំងឺហើយ បន្ទាប់ពីចំណាយពេលសម្រាកព្យាបាលមួយសប្ដាហ៍ នៅមន្ទីរពេទ្យ Edinburgh’s Royal Infrimary។

ទន្ទឹមនឹងនេះដែរ លោក Calum បាននិយាយរៀបរាប់ប្រាប់សារព័ត៌មាន BBC Breakfast ឲ្យដឹងថា រូបគាត់ផ្ទាល់ មានការយល់ឃើញខុសទាំងស្រុងអំពីជំងឺកូវីដ-១៩ ដោយគិតថា វាជាជំងឺផ្ដាសាយធម្មតាៗប៉ុណ្ណោះ ហើយម៉្យាងទៀតគាត់នៅក្មេងនឹងមិនប៉ះពាល់អ្វីឡើយមកកាន់គាត់។

ប្អូនស្រីរបស់គាត់បានបន្ថែមទៀតថា មនុស្សវ័យក្មេង គិតថាពួកគេមិនចេះឈឺឡើយ ហើយយល់ឃើញថា វាគ្រាន់តែជាជំងឺផ្ដាសាយ ឬជំងឺដែលអាចជាសះស្បើយក្នុង​រយៈពេល២៤ម៉ោង។ ពួកគេទាំងអស់ ត្រូវតែស្ដាប់ពីការណែនាំ និងគួរយកចិត្តទុកដាក់ឲ្យមែនទែនលើបញ្ហានេះ។

ជុំវិញបទពិសោធន៍ខាងលើនេះ លោក Calum សង្ឃឹមថា នឹងអាចជំរុញឲ្យអ្នកដទៃទៀត ចូលរួមទប់ស្កាត់ និងធ្វើតាមការណែនាំរបស់រដ្ឋាភិបាលផងដែរ៕

សូមទស្សនារូបភាពខាងក្រោម៖