ភ្នំពេញ៖ ជាការពិតណាស់ សិល្បៈរបស់ខ្មែរ បានបង្កើតឡើងអស់រយៈពេលមកជាច្រើនទសវត្សមកហើយ ជាអំឡុងទសវត្ស ៦០ និង ទសវត្ស ៧០ ជាឆ្នាំដែលមានតារាចម្រៀង តារាសម្ដែងជាច្រើនដួង សុទ្ធសឹងតែមានកេរ្ដិ៍ឈ្មោះល្បីល្បាញបំផុត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ បើទោះបីពួកគាត់បានលាចាកលោកទៅហើយក៏ពិតមែន តែកេរ្ដិ៍ឈ្មោះពួកគាត់នៅតែដិតជាប់ក្នុងចិត្តរបស់កូនខ្មែរគ្រប់ៗរូប។ ដោយរាល់បទចម្រៀង និង សកម្មភាពពីមុនៗរបស់តារាចម្រៀង និង តារាសម្ដែង ជើងចាស់ទសវត្ស៦០ និង ៧០ នៅតែមានការគាំទ្រ ហើយអាចនិយាយបានថា ជាគំរូសម្រាប់សិល្បៈករ សិល្បៈការិនីជំនាន់ក្រោយ។
ជាក់ស្ដែង សកម្មភាពពីមុនៗរបស់ពួកគាត់ត្រូវបានគេរក្សាទុក និង អភិរក្សបានយ៉ាងណាល្អសម្រាប់ក្មេងៗជំនាន់បានឃើញ និង បានស្គាល់។ ក្នុងនោះដែរ មានគណនីមួយឈ្មោះ Wind Ripple បានបង្ហោះរូបភាពជាច្រើនសន្លឹក ដែលគ្រប់គ្នាមិនដែលបានឃើញ ដោយរូបភាពទាំងនោះបានបន្សល់ទុកមកជាច្រើនឆ្នាំ សម្រាប់ក្មេៗងជំនាន់ក្រោយបានស្គាល់ពីអតីតអធិរាជតារាចម្រៀង និង តារាសម្ដែងជើងចាស់។
តួយ៉ាង រូបភាពទាំងនោះបានកែប្រែ និង ប្តូរមកជាពណ៌ធម្មជាតិកម្រិត (Colorized ២០/១០០) ឲ្យឃើញកាន់តែច្បាស់ និង ស្រស់ស្អាតជាងមុន ដែលរូបភាពទាំងនេះពិតជាកម្របានឃើញតែម្តង ស្របពេលដែលធ្លាប់តែឃើញពណ៌សខ្មៅ៕
ចង់ជ្រាបច្បាស់ ថាមានតារាជើងចាស់រូបណាខ្លះ សូមទស្សនារូបភាពខាងក្រោម៖
ទី១៖ តារាចម្រៀង អធិរាជសម្លេងមាស លោកតា ស៊ិន ស៊ីសាមុត
ទី២៖ លោក សុះ ម៉ាត់ (ម្ចាស់បទ: ផ្ញើរកងចងដៃ)
ទី៣៖ លោក អុិន យ៉េង (ម្ចាស់បទ: កុលាបកោះកែវ)
ទី៤៖ លោក ជា សាវឿន (ម្ចាស់បទ: ត្រូវសើចឬត្រូវយំ)
ទី៥៖ លោក អ៉ឹម សុងសឺម (ម្ចាស់បទ: ស្នេហាជាស្រាពុល)
ទី៦៖ លោក មាស ហុកសេង (ម្ចាស់បទ: លលកញីឈ្មោល)
ទី៧៖ លោក តូច តេង (ម្ចាស់បទ: បុប្ផាកោះញ៉ែក)
ទី៨៖ លោកយាយ ម៉ែ ម៉ឺន (១៩១៨-១៩៩៦)
ទី៩៖ អ្នកស្រី ប៉ែន រ៉ន
ទី១០៖ លោក ព្រួញ មាស
ទី១១៖ លោក មាស សាម៉ន
ទី១២៖ លោកស្រី ឌី សាវ៉េត ក្នុងរឿង «កូនស្តេចដំរីស» ឆ្នាំ ១៩៧០ ដោយបច្ចុប្បន្ន អ្នកស្រីជាតារាស្រីដែលគេចាត់ទុកជាតារាស្រីឆ្នើមបំផុតសម្រាប់វិស័យសិល្បៈខ្មែរ ហើយពេលនេះអ្នកស្រីក៏មានអាយុ ៧៦ ឆ្នាំ
ទី១៣៖ តារា ជា យុទ្ធថន និង សាក់ ស៊ីស្បោង ក្នុងរឿងពស់កេងកង
ទី១៤៖ តារា ណារី ហែម និង តារា ណូយ៉ា ក្នុងរឿង «ក្រមុំខ្មែរលើ»
ទី១៥៖ ពៅ ទេវី ក្នុងរឿង «ព្រះគោព្រះកែវ»
ទី១៦៖ តារា សោម បុប្ផា ក្នុងរឿង «នាងនាគត្រាច់ចរ» ឆ្នាំ ១៩៦៩
ទី១៧៖ ទិត្យ វិជ្ជរ៉ាដានី និង គង់ សំអឿន ក្នុង រឿង« ត្រពាំងពាយ»
ទី១៨៖ អ្នកស្រី គីម ណូវ៉ា កើតនៅក្នុងឆ្នាំ ១៩៤៦ នៅស្រុក ពាមរ ខេត្តព្រៃវែង