ចិន៖ បន្ទាប់ពី សម្ងំនៅតែផ្ទះ មិនចេញទៅណា អស់មួយរយៈ ដោយសារតែ ការរីករាលដាលនៃវីរុសCOVID-19 រួចមក គេក៏សង្កេតឃើញថា តារាចិនល្បីៗមួយចំនួន ក៏ហាក់មានសាច់ជាងមុន មុខប្រែមកជាប៉ោងៗ ខុសប្លែកកាលពីមុនតែម្តង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង ពេលបច្ចុប្បន្ន ស្ថានភាពរាលដាលនៃCOVID-19 ក្នុងប្រទេសចិនប្រែមកជា ល្អប្រសើរជាងមុន ដែលអត្រានៃ អ្នកឆ្លងនៃវីរុសCOVID-19 បានធ្លាក់មកសល់ត្រឹម ចំនួនទាបបំផុត សឹងតែគ្មាន អ្នកឆ្លងបន្តទៀតនោះ។ គេក៏ឃើញមាន តារាចិនជាច្រើន បានវិលត្រឡប់មកបំពេញ កិច្ចការថតដ៏មមាញឹក របស់ពួកគេឡើងវិញ។
ថ្មីៗនេះ នៅក្នុងឃ្លីបឃោសនាមួយ របស់តារាស្រីល្បីៗ៣ដួង ប្រចំាំប្រទេសចិន មានដូចជាYang Mi ហើយZhao Liying និង Fan Yangzi បានធ្វើឲ្យអ្នកគាំទ្រ មានការចាប់អារម្មណ៍ខ្លាំង លើការឡើងគីឡូរបស់ពួកគេ។ តាមរយៈឃ្លីបនោះ Yang Mi នៅពេលដែលមិនមាន នៅការmake up គឺពិតជាប្លែកខ្លាំង ដោយសារតែ តារាស្រីរូបនេះ កម្របង្ហាញខ្លួន ជាមួយមុខទទេបែបនេះ ហើយមើលទៅមុខរបស់នាង ក៏មានសាច់ជាមុន។
ចំណែកZhao Liying ក៏បានធ្វើឲ្យ អ្នកគាំទ្រភ្ញាក់ផ្អើលដែរ ដោយឃើញនាងហាក់ដូចជា ឡើងគីឡូជាងមុនខ្លាំង មុខប្រែមកជាមូល។
ចុងក្រោយនោះគឺ Fan Yangzi មិនត្រូវបានគេ និយាយពីការឡើងគីឡូ របស់នាងនោះទេ តែនាងបែរជាត្រូវ អ្នកគាំទ្រជាច្រើនសរសើរ ពីរូបសម្រស់ដែល សាកសមពេលពាក់មួក និងសម្លៀកបំពាក់ បែបនេះទៅវិញ៕