តេស្ដវិជ្ជមាន Covid-19 បានប៉ុន្មានថ្ងៃ ស្រាប់តែ Dybala បង្ហោះរូបភាពមួយសន្លឹក ដោយសរសេរថា……

អ៊ីតាលី៖ ខ្សែប្រយុទ្ធ Paulo Dybala បានប្រាប់ទៅកាន់អ្នកគាំទ្រ Juventus ថាគេ និងមិត្តស្រី Oriana Satatini មានសុខភាពធម្មតាទេ បន្ទាប់ពីរយៈពេល៤ថ្ងៃ ពួកគេទាំងពីរបានធ្វើតេស្ដឃើញវិជ្ជមានវីរុស Covid-19។

កីឡាករវ័យ២៦ឆ្នាំបានធ្វើឲ្យពិភពបាល់ទាត់ក្នុងប្រទេសអ៊ីតាលីមានការភ្ញាក់ផ្អើល ក្រោយគេបានប្រកាសថា គេនិងមិត្តស្រីបានធ្វើតេស្ដឃើញវិជ្ជមាន មានផ្ទុកវីរុសកូរ៉ូណា។

យ៉ាងណាមិញ កាលពីយប់មិញ Dybala បានបង្ហោះរូបភាពមួយសន្លឹកនៅលើគណនីបណ្ដាញសង្គម Instagram ផ្លូវការ ដោយលើកដៃជាសញ្ញា OK រួមជាមួយការសរសេរថា “ពួកយើងល្អជាធម្មតាទេ”។

Juventus គឺជាក្លិបនៅក្របខណ្ឌ Serie A ដែលមានកីឡាករឆ្លង Covid-19 មុនគេ ខណៈ Dybala គឺជាកីឡាករទី៣ ដែលបានឆ្លងវីរុសដ៏សាហាវមួយនេះ បន្ទាប់ពីមិត្តរួមក្រុម Daniele Rugani និង Blaise Matuidi។

គួរឲ្យដឹងដែរថា អ៊ីតាលីរងការប៉ះពាល់យ៉ាងខ្លាំងដោយសារវីរុស Covid-19 ក្នុងនោះមនុស្សច្រើនជាង ៧៤,០០០នាក់ត្រូវបានឆ្លង ហើយមនុស្សមិនតិចជាង ៧,៥០០ នោះទេបានបាត់បងជីវិត។