ប្រពៃណាស់! លោកជំទាវ ទាង អេង ទៀ សីហា និងក្រុមការងារកាកបាទក្រហមខេត្តសៀមរាប ចុះសួរសុខទុក្ខនិងផ្តល់ជាកម្លាំងចិត្តដល់ក្រុមគ្រូពេទ្យកំពុងព្យាបាលអ្នកជំងឺ និងទប់ស្កាត់ការឆ្លងកូវីដ១៩

«នាងខ្ញុំសូមកោតសរសើរចំពោះការលះបង់ យកអាយុជីវិតទៅជួយសង្គ្រោះ បងប្រុស(វិជ្ជមានកូវីដ១៩) ដោយមិនមានការភ័យខ្លាច មិនមានការរើសអើង មានតែខិតខំប្រឹងប្រែងយកចិត្តទុកដាក់ខ្ពស់ចំពោះការព្យាបាល និងបន្តត្រួតពិនិត្យពីស្ថានភាពរបស់អ្នកជំងឺគ្រប់ពេល និង គ្រប់ៗគ្នា។ ​ក្នុងនាមនាងខ្ញុំជាពលរដ្ឋខ្មែរមួយរូប ខ្ញុំសូមជូនពរអោយបងប្រុស(វិជ្ជមាន Covid-19)ឆាប់ជាសះស្បើយ និងត្រឡប់ទៅជួបជុំក្រុមគ្រួសាររបស់បងក្នុងពេលដ៏ខ្លីខាងមុខនេះ។»

«តាំងនាមអោយគណៈកម្មាធិការសាខា កាកបាទក្រហមខេត្ត សូមថ្លែងអំណរគុណដល់ រាជរដ្ឋាភិបាល ក្រសួងសុខាភិបាល និង លោក ក្រុស សារ៉ាត់ ប្រធានមន្ទីរសុខាភិបាលខេត្ត ដែលបានដឹកនាំមន្ត្រី និងក្រុមការងារដែលបានខិតខំប្រឹងប្រែងទាំងយប់ទាំងថ្ងៃ ដោយយកសុខុមាលភាពរបស់បងប្អូនប្រជាពលរដ្ឋយើងជាធំ។ទោះបីអំណោយសប្បុរសធម៌របស់កាកបាទក្រហមមានចំនួនតិចតួចក្ដី តែក៏ជាផ្នែកមួយនៃការជួយគ្នាក្នុងគ្រាមានអាសន្ន។ កុំរើសអើងប្រជាពលរដ្ឋខ្ញុំ កុំរើសអើងខេត្តខ្ញុំ»។