អាមេរិក៖ ស្ត្រីម្នាក់ឈ្មោះថា Caelie Wilkes មកពីរដ្ឋកាលីហ្វ័រញ៉ា បានទិញប្រទាលមួយសម្រាប់ដាក់លម្អក្បែរមាត់បង្អួចផ្ទះបាយ និងតែងតែស្រោចទឹក ថែរក្សាជារៀងរាល់ថ្ងៃអស់រយៈពេល២ឆ្នាំមកនេះ។ លុះមកដល់ថ្ងៃទី២៨ ខែកុម្ភៈកន្លងទៅថ្មីៗនេះ នាងភ្ញាក់ផ្អើលជាខ្លាំង បន្ទាប់ពីដឹងថា ប្រទាលដែលនាងស្រលាញ់គឺជាជ័រទៅវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនាង Caelie Wilkes បាននិយាយរៀបរាប់ថា៖
ប្រទាលនោះគឺមានពណ៌ស្រស់ស្អាត និងរីកស្គុះស្គាយដូចផ្កាអីចឹង ហើយខ្ញុំតែងតែយកក្រណាត់ជូតធូលីចេញពីលើវាថ្មមៗជានិច្ច។ ខ្ញុំនឹងខឹង ប្រសិនបើនរណាម្នាក់ស្រោចទឹកប្រទាល ព្រោះខ្ញុំចង់ធ្វើជាអ្នកថែរក្សាវាតែម្នាក់ឯងគត់។ នៅថ្ងៃទី២៨ ខែកុម្ភៈ ខ្ញុំបានទិញថូមួយគួរឲ្យស្រលាញ់ណាស់ ដែលស័ក្ដិសមនឹងប្រទាលខ្ញុំមែនទែន។ ហើយខ្ញុំក៏គាស់ប្រទាលចេញពីថូចាស់ ទើបឃើញដីខ្សាច់ ត្រូវបានបិទជាប់ទៅនឹងស្នោរនៅខាងក្រោមប្រទាល។ ពេលនោះហើយ ដែលខ្ញុំដឹងថា វាជាប្រទាលជ័រមួយប៉ុណ្ណោះ។
ជុំវិញរឿងរ៉ាវដ៏ហួសចិត្តខាងលើនេះ ត្រូវបាននាង Caelie Wilkes យកទៅបង្ហោះចែកចាយនៅលើគណនីបណ្ដាញសង្គមរបស់នាងផ្ទាល់ ដោយទទួលបានការចាប់អារម្មណ៍ និងអស់សំណើចយ៉ាងខ្លាំងពីសំណាក់មហាជន៕
សូមទស្សនារូបភាពខាងក្រោម៖
Bong I.T