អស្ចារ្យណាស់! ក្រុមហ៊ុនម៉ូតូកង់បី TVS កម្ពុជា ធ្វើពិធីចាប់រង្វាន់ដ៏ធំមហាសាល មានឡាន ទូរស័ព្ទ លុយសុទ្ធ និង...!

ភ្នំពេញ៖ កាលពីថ្ងៃទី២០ ខែកុម្ភៈ ឆ្នាំ២០២០ ម្សិលមិញនេះ ក្រុមហ៊ុនម៉ូតូកង់បី TVS កម្ពុជា បានប្រារព្ធធ្វើនូវកម្មវិធីចាប់រង្វាន់ធំបំណាច់ឆ្នាំ ដែលបានប្រព្រឹត្តិឡើងនៅឯទីក្រុងកោះពេជ្រក្នុងអាគារ G និង H ក្រោមវត្តមានចូលរួមយ៉ាងច្រើនកុះករពីសំណាក់អ្នកតំណាងចែកចាយម៉ូតូកង់បី TVS, អ្នកប្រើប្រាស់ម៉ូតូកង់បី TVS, អ្នករត់តុកតុកខ្មែរ, អ្នករត់ម៉ូតូឌុប, អ្នករកស៊ីខ្នាតតូច, បុគ្គលិកបំរើការងារនៅតាមស្ថាប័នផ្សេងៗ, បណ្ដាអ្នកសារពត៌មាន, និងអ្នកចូលរួមជាច្រើននាក់ផ្សេងទៀត រហូតដល់ទៅជិត ២,០០០ នាក់ ​ឯណោះ ដែលធ្វើឲ្យកម្មវិធីកាន់តែមានភាពអធិកអធម។

​ជាក់ស្តែងនៅ​ក្នុងកម្មវិធីក៏មានការចាប់នូវរង្វាន់​ធំគឺរថយន្តម៉ាក ​Toyota Hilux Revo 2019 ដោយបានទៅលើឈ្មោះ នុត ធូ សន្លឹកឆ្នោតផ្សងសំណាងលេខ ០១០១៧៧ និងមានរង្វាន់ម៉ូតូ​កង់​បី TVS King Deluxe​ ស៊េរី​ឆ្នាំ២០១៩ ចំនួន ២រង្វាន់ បានទៅលើឈ្មោះ សុខ ចាន់នី ដែលសន្លឹកឆ្នោតផ្សងសំណាងលេខ​ ០០៥០៥០ និងឈ្មោះ ជាន តៃវ៉ាន់ សន្លឹកឆ្នោតផ្សងសំណាងលេខ ០០០៨៩៥។

លើសពីនេះក៏មានរង្វាន់ជាទឹកប្រាក់​សុទ្ធ ​១,០០០​ដុល្លារ ដោយបានទៅលើឈ្មោះ ទ្រី កាក់ សន្លឹកឆ្នោតផ្សងសំណាងលេខ ០០៣១៩២ និងរង្វាន់ទឹកប្រាក់សុទ្ធ ៥០០​ដុល្លារ បានទៅលើឈ្មោះ សោ អាត សន្លឹកឆ្នោតផ្សងសំណាងលេខ ០០០៤៧៧ និងឈ្មោះ ស្រ៊ាង ភ័ក សន្លឹកឆ្នោតផ្សងសំណាងលេខ ០០៤៣១៧ ព្រមជាមួយរង្វាន់ទូរ​សព្ទ័​ដៃ​ស្មា​ត​ហ្វូ​ន Xiaomi ​ ម៉ូឌែល Redmi Note 8 Pro ចំនួន ១០រង្វាន់ ​និង​រង្វាន់​ជាច្រើន​សន្ធឹកសន្ធាប់​ទៀត​បានរកឃើញអ្នកឈ្នះបន្តបន្ទាប់ផងដែរ។

គួរបញ្ជាក់ផងដែរថា ក្រុមហ៊ុនម៉ូតូកង់បី TVS បានធ្វើការចាប់រង្វាន់ប្រចាំខែចំនួន ៧ លើករួចមកហើយចាប់តាំងពីដើមខែមិថុនា រហូតដល់ខែធ្នូ ឆ្នាំ២០១៩ នៅមុនការចាប់រង្វាន់បំណាច់ឆ្នាំធំចុងក្រោយនេះ។ ហើយក្រុមហ៊ុនក៏បានរកឃើញអ្នកឈ្នះរង្វាន់ម៉ូតូកង់បី TVS King Deluxe 2019 ចំនួន ១៤នាក់, ទូរស័ព្ទចំនួន ២១នាក់ និងរង្វាន់ប្រេងម៉ាស៊ីន Motul ជាច្រើននាក់ផ្សេងទៀត។

តួយ៉ាងកម្មវិធីខាងលើនេះប្រព្រឹត្តិទៅបានយ៉ាងរលូន ក៏ដោយសារតែមានដៃគូសហការបង់រំលស់ ធនាគារឯកទេស AEON និងសហការឧបត្ថម្ភដោយក្រុមហ៊ុនទូរស័ព្ទ Xiaomi កម្ពុជា ក៏ដូចជាក្រុមហ៊ុនប្រេងម៉ាស៊ីន Motul កម្ពុជាផងដែរ៕