កុំចេះតែហ៊ានពេក! កីឡាករម្នាក់ត្រូវជាប់ពិន័យ៥ឆ្នាំ ក្រោយទៅខាំប្រដាប់ភេទរបស់គូប្រកួត

បារាំង៖ កីឡាករបាល់ទាត់ម្នាក់ត្រូវបានជាប់បម្រាមរយៈពេល ៥ឆ្នាំនៅក្នុងការប្រកួតពានរង្វាន់ក្នុងស្រុកនៅភាគខាងកើត ប្រទេសបារាំង ក្រោយរូបគេបានខាំប្រដាប់ភេទរបស់ដៃគូប្រកួតនៅកំឡុងការប្រកួតមួយកាលពីខែវិច្ឆិកាកន្លងទៅ។

រឿងរ៉ាវទាំងអស់នេះបានកើតឡើងនៅក្នុងកាប្រកួតមួយក្នុងក្របខណ្ឌលំដាប់ទីពីរ ប្រចាំតំបន់ ក្នុងជំនួបរវាងក្រុម Terville និង Soetricht កាលពីថ្ងៃទី១៧ ខែវិចិ្ឆកា ឆ្នាំ២០១៩។

បើតាមប្រភពព័ត៌មានពីគេហទំព័រក្នុងតំបន់ Lorraine គឺនៅកំឡុងការប្រកួតនោះ មានការប៉ះទង្គិចគ្នារវាងកីឡាករម្នាក់ៗពីក្រុមទាំងសងខាង ស្រាប់តែកីឡាកររបស់ក្រុម Terville ម្នាក់ទៀតចូលទៅឃាត់និងជួយសម្រួល ប៉ុន្តែស្រាប់តែត្រូវបានភាគីជម្លោះរបស់ក្រុម Soetricht ចាប់ខាំប្រដាប់ភេទរបស់គេតែម្ដង។

គួរឲ្យដឹងផងដែរថា សម្រាប់អ្នកដែលប្រព្រឹត្តិត្រូវជាប់បម្រាមរយៈពេល៥ឆ្នាំ ខណៈអ្នកដែលទទួលរងគ្រោះត្រូវសម្រាកព្យាបាលអស់រយៈពេល ៦ខែ៕

ប្រភព៖ DailyMail