បញ្ហាកូនតូចឈឺធ្មេញម៉ាក់ប៉ាជាច្រើនចៀសមិនផុតឡើយ ព្រោះអីពួកគេចូលចិត្តញ៉ាំរបស់ផ្អែម និងមិនដុសធ្មេញឲ្យបានត្រឹមត្រូវ។ តើអាចមានគន្លឹះ ឬវិធីទប់ស្កាត់បញ្ហាឈឺធ្មេញចំពោះក្មេងដែរឬទេ? ចម្ងល់នេះ អ្នកជំនាញសុខភាពមាត់ធ្មេញ ទន្តបណ្ឌិត សាន ដាណេត បម្រើការងារគ្លីនិកធ្មេញប៊ូទិក ថាវាជារឿងពិបាកបំផុត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកបន្តទៀតថា កូនតូចណាក៏ចូលចិត្តចំណី និងភេសជ្ជៈផ្អែមៗ ដូចនេះចៀសមិនផុតពីមានដង្កូវស៊ី ហើយឈឺធ្មេញឡើយ។ តែយើងអាចជួយការពារកូនបាន ពេលក្មេងចាប់ផ្ដើមដុះធ្មេញភ្លាម ត្រូវចាប់ផ្តើមបង្រៀនដុសធ្មេញឲ្យក្មេងឲ្យបានទៀងទាត់ ហើយបើមានការឈឺចាប់ត្រូវទៅនាំកូនទៅជួបពេទ្យធ្មេញ ដើម្បីស្វែងរកមូលហេតុ រួចព្យាបាល។ បើឃើញធ្មេញកូនមានប្រហោង មិនគួរយកឈឺទៅចាក់ ឬឆ្កឹះឡើយ ព្រោះអាចនាំឲ្យប៉ះពាល់កាន់តែខ្លាំង។
រឿងដែលត្រូវចៀសវាងមួយទៀត ពេលធ្មេញកូនមានបញ្ហាហើយ មិនត្រូវឲ្យផឹកទឹកត្រជាក់នោះទេ ព្រោះវាកាន់តែស្រៀវថែមទៀត។ សម្រាប់ភេសជ្ជៈកំប៉ុង ស្ករគ្រាប់ ការ៉េមដែលមានជាតិផ្អែមៗវិញ ក្មេងតូចមិនគួរញ៉ាំ ឬផឹកឡើយ តែបើជ្រុលជាផឹកហើយ ត្រូវផឹកទឹកតាមក្រោយភ្លាម ដើម្បីកុំឲ្យជាតិផ្អែមទុំជាប់នឹងធ្មេញ។
ចំណុចសំខាន់មួយទៀត ត្រូវឲ្យកូនដុសធ្មេញ ក្រោយញ៉ាំបាយ និងមុនពេលគេង ដើម្បីកម្ចាត់កាកសំណល់ផ្សេងៗពីមាត់ធ្មេញ ហើយក្រោកឡើងមាត់មិនសូវមានក្លិន។ ដូចនេះហើយ បើចង់ឲ្យកូនមានធ្មេញ និងក្លិនមាត់ល្អត្រូវញ៉ាំអាហារ ផ្លែឈើ ពិនិត្យសុខភាពមាត់ធ្មេញ ២/ឆ្នាំ ហើយអាហារដែលធ្វើឡើងពីខ្ទឹមខ្លាំង និងក៏មិនគួរញ៉ាំដែរ ព្រោះនាំឲ្យធុំក្លិនអាក្រក់។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T