មានអាការៈតឹងច្រមុះ ហៀរសំបោរ យើងត្រូវជូតសំបោរចេញ តែមិនត្រូវញើសបញ្ចេញដោយប្រើចលនាខ្លាំងៗឡើយ។ ការញើសសំបោរអាចនាំឲ្យឈឺត្រចៀក និងមានការបង្ករោគនៅក្នុងច្រមុះ នេះបើតាមការបកស្រាយនៅលើផេកផ្លូវការរបស់មន្ទីរពេទ្យកាល់ម៉ែត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអាការៈតឹងច្រមុះ ឬហៀរសំបោរ អាចបណ្តាលមកពីជំងឺគ្រុនផ្តាសាយ អាលែកហ្ស៊ី ឬជំងឺផ្លូវដង្ហើមផ្សេងទៀត។ ចំពោះកុមារ ការមានសំបោរខាប់ច្រើនក្នុងច្រមុះអាចបណ្តាលឲ្យមានការបង្ករោគនៅក្នុងត្រចៀកកណ្តាល ឯមនុស្សចាស់បណ្តាលឲ្យរលាកក្នុងច្រមុះ។
តិចនិកបំបាត់អាការៈតឹងច្រមុះ៖
– ចំពោះក្មេងតូចៗ ត្រូវបូមយកសំបោរចេញ ដោយបន្តក់ ឬលាងជាមួយទឹកសេរ៉ូមប្រៃ
– មនុស្សជំទង់ និងចាស់ អាចបាញ់លាងដោយទឹកសេរ៉ូមប្រៃចូលក្នុងរន្ធច្រមុះទាំងសង្ខាង
– ឆ្ពង់ទឹកក្តៅ ឬទឹកសេរ៉ូមប្រៃ។
ការធ្វើរបៀបនេះ នឹងអាចជួយពង្រាវសំបោរហើយធ្វើឲ្យយើងដកដង្ហើមបានស្រួល តែបើប្រើថ្នាំដំណក់បំបាត់ការតឹងច្រមុះ មិនត្រូវឲ្យលើសពី ៣ដង/ថ្ងៃ និងមិនត្រូវប្រើឲ្យលើសពី ៣ថ្ងៃទេ។ បើធ្វើតាមវិធីខាងលើ មិនបានលទ្ធផលល្អក្នុងរយៈពេល ៣ ថ្ងៃ ត្រូវប្រញាប់ទៅជួបគ្រូពេទ្យ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T