ទឹកមុខ BLACKPINK ពេលមើល OMG សម្តែងក្បាច់រាំនៅចំពោះមុខ! (មានវីដេអូ)

ភ្នំពេញ៖ កាលពីថ្ងៃ១៤ ខែមករា កន្លងទៅនេះ ក្រុមរាំល្បីឈ្មោះប្រចាំប្រទេសកម្ពុជា OMG ទទួលបានចំណាត់ថ្នាក់លេខមួយ ក្នុងចំណោមក្រុមរាំមកពីប្រទេសជាច្រើនផ្សេងៗគ្នា នៅក្នុងការប្រកួតក្បាច់រាំក្នុងកម្មវិធី «Awesome Live With Blackpink» នៅឯប្រទេសឥណ្ឌូនេស៊ី ដែលមានក្រុមចម្រៀងនារីលំដាប់ពិភពលោក BLACKPINK ធ្វើជាគណៈកម្មាការដាក់ពិន្ទុផ្ទាល់តែម្តង។

យ៉ងណាមិញ ក្រោយពីអ្នកគាំទ្រទន្ទឹងរងចាំទស្សនាវីដេអូបង្ហាញក្បាច់រាំរបស់ក្រុម OMG អស់រយៈពេលជិត២សប្តាហ៍មកនេះ ទីបំផុតវីដេអូពេញនៃការសម្តែងរបស់ OMG ត្រូវបានបញ្ចេញជាផ្លូវការហើយ ដោយយើងឃើញ ក្បាច់រាំពួកគេនីមួយពិតជាទន់រស់រវើកគួរឲ្យទាក់ទាញ ជាពិសេសនៅពេលដែលកំពុងសម្តែង យើងឃើញថាទឹកមុខរបស់សមាជិកក្រុម BLACKPINK ម្នាក់ៗ ពោរពេញទៅដោយស្នាមញញឹមពេញចិត្តជាខ្លាំង។

 មិនតែប៉ុណ្ណោះ នៅចុងបញ្ចប់នៃការសម្តែង ស្រីស្រស់ទាំង៤ដួងនេះ ថែមទាំងបាននាំគ្នាទះដៃលើកសរសើរដល់ក្រុមរាំកម្ពុជាយើងថែមទៀតផង ដោយទាំងនេះហើយ ជាហេតុផលដែលធ្វើឲ្យក្រុមប្រចាំប្រទេសកម្ពុជាយើង អាចដណ្តើមបានចំណាត់ថ្នាក់លេខមួយបែបនេះ៕