ភ្នំពេញ៖ ការប្រកួតប្រដាល់គុនខ្មែរ ក្នុងកម្មវិធីរបស់ស្ថានីយទូរទស្សន៍អាស៊ីអាគ្នេយ៍កាលពីថ្ងៃអាទិត្យចុងសប្ដាហ៍កន្លងទៅ សិស្សគុនជួរមុខមកពីក្លិបឆ័ត្រយោងពិសេស៩១១ និងជាជម្រើសជាតិគុនខ្មែរ កីឡាករ ឡៅ ចិត្រា បានប្រកួតឈ្នះកីឡាករឆ្លងដែនមកពីប្រទេសថៃ សុខសាវត្តន៍ ដោយផ្ដួលឲ្យសន្លប់ត្រឹមទឹកទី១។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចាប់ផ្ដើមការប្រកួតភ្លាម ប្អូនប្រុសបង្កើតរបស់ ឡៅ ចន្រ្ទា មិនបានស្ទាបស្ទង់ជាមួយកីឡាករថៃនោះទេ ដោយបានដើរចូលសម្រុករហូតតាមរយៈការចេញជើងទាត់ និងការប្រើកណ្ដាប់ដៃម៉ាត់។ យ៉ាងណាមិញ បានត្រឹមតែជាង១នាទី ឡៅ ចិត្រា បានប្រើដៃឆ្វេងដ៏ត្រង់របស់ខ្លួនវាយចូលពេញមុខធ្វើឲ្យកីឡាករថៃ សុខសាវតន្ត៍ អុកគូទ វង្វេង និងត្រូវលោកអាជ្ញាកណ្ដាលបញ្ឈប់ការប្រកួតភ្លាមៗនោះតែម្ដង។
គួរឲ្យដឹងផងដែរថា នេះគឺជាជ័យជម្នះលើកទី២ហើយរបស់កូនសិស្សរបស់លោកគ្រូ ហង្ស សឿន ក្រោយរូបគេយកបានមេដាយសំរឹទ្ធពីព្រឹត្តិការណ៍កីឡាស៊ីហ្គេមនៅប្រទេសហ្វីលីពីនកាលពីចុងឆ្នាំ២០១៩ ដោយជ័យជម្នះលើកទី១ ឡៅ ចិត្រា បានយកឈ្នះជើងខ្លាំងថៃ កងណាផា៕
ចង់ឃើញថា ឡៅ ចិត្រា ប្រើកណ្ដាប់ដៃដ៏ត្រង់របសគេផ្ដួលកីឡាករថៃ លឿនយ៉ាងណានោះ ទៅទស្សនាវីដេអូខាងក្រោមទាំងអស់គ្នា៖