ភ្នំពេញ៖ ដូចប្រិយមិត្តជាច្រើនបានដឹងហើយថា កាលពីពេលថ្មីៗនេះតារាចម្រៀងប្រុសដ៏មានប្រជាប្រិយភាពនាយចឺម បានត្រូវរបួសគេវាយបែកក្បាល ក្រោយជាប់ឈ្មោះទាក់ទងនឹងសង្សារគេ ដែលធ្វើឲ្យកក្រើក និងភ្ញាក់ផ្អើលខ្លាំងនៅក្នុងពិភពសិល្បៈ នៅចុងឆ្នាំ២០១៩នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងមិនបានប៉ុន្មានផង ពេលនេះតារាប្រុសរូបនេះក៏បានធ្វើការបញ្ចេញនូវបទចម្រៀងមួយបទ ក្រោមអត្ថន័យយ៉ាងចាក់ដោត ទាក់ទងទៅនឹងបញ្ហាស្នេហាត្រីកោណ ប្រៀបដូចទៅនឹងរឿងពិតដែលលោកទើបតែជួបថ្មីៗនេះយ៉ាងដូច្នោះ។
ដោយក្នុងនោះបទចម្រៀងលោកមានចំណងជើងថា «ហេតុអ្វីកុហកថាគ្មានសង្សារ» ដែលច្រៀងបានយ៉ាងពីរោះលាយឡំនឹងសាច់រឿងពិត សម្តែងចូលតួយ៉ាងល្អ ប្លែកភ្នែកគួរឲ្យសរសើរ មិនត្រឹមតែប៉ុណ្ណោះបទចម្រៀងមួយបទនេះ ពិតជាផ្ទុះការគាំទ្រយ៉ាងខ្លាំងពីបណ្តាហ្វេនៗជាច្រើន។
ជាមួយគ្នានេះដែរ ឃើញថាត្រឹមរយៈពេលតែប៉ុន្មានថ្ងៃបទចម្រៀងរបស់តារាចម្រៀងប្រុសរូបនេះ ក្រោយផ្ទុះរឿងអាស្រូវគេវាយបែកក្បាល ដោយសារទាក់ទងសង្សារគេ ក៏ទទួលបានការគាំទ្រខ្លាំង មានអ្នកទស្សនា ចុចមើលរាប់ម៉ឺនដងផងដែរ៕
សូមទស្សនាវីដេអូខាងក្រោមនេះ៖