ភ្នំពេញ៖ វាគឺជាឆ្នាំដ៏រំភើបសម្រាប់ ក្រុមហ៊ុន Urban Hub (ខេមបូឌា) ខូអិលធីឌី ជាក្រុមហ៊ុនអភិវឌ្ឍន៍ខុនដូ ដែលទទួលបានសមិទ្ធផលដ៏អស្ទារ្យ ខណៈជិតបញ្ចប់ឆ្នាំ២០១៩ នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រមហ៊ុនទទួលបានពានរង្វាន់ជាច្រើនទាំងនៅក្នុងប្រទេស និងក្រៅប្រទេស សម្រាប់គម្រោងអភិវឌ្ឍខុនដូ ប្រណីត និងមានតម្លៃសមរម្យ និងការរួមបញ្ចូលភាពច្នៃប្រឌិតខ្ពស់ដល់គម្រោងរបស់ខ្លួន។ ក្រុមហ៊ុនអភិវឌ្ឍន៍ខុនដូនេះទទួលបានពានរង្វាន់ចំនួន៦ នៅក្នុងឆ្នាំនេះ សម្រាប់គម្រោងខុនដូ Urban Village ដែលមានទីតាំងស្ថិតនៅក្នុងរាជធានីភ្នំពេញ។
Urban Village បានឈ្នះពានរង្វាន់ «ក្រុមហ៊ុនអភិវឌ្ឍខុនដូល្អបំផុត» នៅក្នុងកម្មវិធីប្រគល់ពានរង្វាន់អច-លនទ្រព្យ Property Guru Asia Property Awards កាលពីថ្ងៃទី២៨ ខែវិច្ឆិកា នៅក្នុងទីក្រុងបាងកក។
ជាការពិតណាស់ វាជាការទទួលស្គាល់ក្រុមហ៊ុនរបស់យើង។ យើងគឺជាក្រុមហ៊ុនអភិវឌ្ឍន៍ដំបូងគេនៅកម្ពុជាដែលបានឈ្នះពានរង្វាន់នេះ។ មានអ្នកចូលរួមប្រកួតប្រជែងជាច្រើនហើយភាគច្រើនគឺជាក្រុមហ៊ុនអភិវឌ្ឍន៍ធំៗ។ នាយកប្រតិបត្តិក្រុមហ៊ុន Urban Hub លោកស្រី Catherine Chan មានប្រសាសន៍ថា៖
«ពានរង្វាន់នេះត្រូវបានត្រួតពិនិត្យដោយ BDO ដែលជាក្រុមហ៊ុនសវនកម្មអន្តរជាតិដ៏ល្បីល្បាញ។ វាជាវេទិកាដែលមានភាពសុក្រឹត និងត្រូវមានការទទួលស្គាល់។ ប្រាកដណាស់អតិថិជនរបស់យើងនឹងកាន់តែមានទំនុកចិត្តលើគម្រោងរបស់យើង ពីព្រោះគម្រោងយើងមានការទទួលស្គាល់ពីអន្តរជាតិ»។
កាលពីដើមខែឧសភាក្នុងឆ្នាំនេះ Urban Village បានទទួលពាន-រង្វាន់ចំនួន៥ផ្សេងៗគ្នា នៅក្នុងកម្មវិធីប្រគល់ពានរង្វាន់អចលនទ្រព្យ Property Guru Cambodia Property Awards ប្រចាំឆ្នាំ លើកទី៤ ក្នុងនោះមានពានរង្វាន់ ក្រុមហ៊ុនអភិវឌ្ឍខុនដូល្អបំផុត (ខេមបូឌា) ពានរង្វាន់ ក្រុមហ៊ុនអភិវឌ្ឍន៍ខុនដូល្អបំផុត (ភ្នំពេញ) ពានរង្វាន់ ខុនដូដែលមានការរចនា និងស្ថាបត្យកម្មល្អបំផុត និងពានរង្វាន់ ខុនដូដែលមានការរចនាផ្ទៃខាងក្នុងល្អបំផុត។
គម្រោងដ៏ពេញនិយមរបស់ក្រុមហ៊ុន គឺអគារខុនដូកម្ពស់១៩ជាន់ ដែលមានការរចនាសោភ័ណភាពលក្ខណៈខ្មែរ មានសួនច្បារ មានទេសភាពស្រស់បំព្រង រួមនឹងការបំពាក់នូវបរិក្ខារដ៏សម្បូរបែប ដែលធ្វើឲ្យខុនដូនេះកាន់តែស្រស់បំព្រងទ្វេឡើង។
គម្រោងខុនដូ Urban Village មានទីតាំងស្ថិតនៅតាមបណ្តោយមហាវិថីសម្តេច ហ៊ុន សែន ជាតំបន់ដែលកំពុងមានការអភិវឌ្ឍយ៉ាងឆាប់រហ័ស និងមានចម្ងាយជិតទីក្រុងដ៏រស់រវើក។
ក្រុមហ៊ុនអភិវឌ្ឍន៍នេះបានបញ្ចប់គម្រោង Urban Loft ដែលមានអគារកម្ពស់២០ជាន់ មាន២អគារ ហើយ Urban Village ដំណាក់កាលទី១ បានត្រៀមរួចរាល់សម្រាប់ប្រគល់ជូនអតិថិជននៅខែមីនាឆ្នាំក្រោយ។
ដូច្នេះ តើអ្វីជាអាថ៌កំបាំងនៅពីក្រោយភាពជោគជ័យរបស់ Urban Village ?
អ្នកស្រី Chan ពន្យល់ថា៖
«យើងឲ្យតម្លៃខ្ពស់ចំពោះការកសាងសហគមន៍ ហើយយើងចង់ឲ្យអតិថិជនរបស់យើងមានបទពិសោធដ៏ល្អនៅពេលរស់នៅទីនេះ។ ដូច្នេះហើយពាក្យស្លោករបស់យើងគឺ«រស់នៅ ធ្វើការ និងកម្សាន្ត» ហើយយើងចំណាយពេលវេលាយ៉ាងច្រើនក្នុងការរចនា ស្ថាបត្យកម្ម និងប្លង់នៃគម្រោងរបស់យើង»។
អ្នកស្រី Chan បន្ថែមថា៖
«យើងបានខិតខំប្រឹងប្រែងយ៉ាងខ្លាំង។ យើងផ្តល់ភាពរីករាយដ៏វិជ្ជមានដល់មនុស្សគ្រប់គ្នា ហើយខ្ញុំគិតថាវាក៏ជាទឹកចិត្តរបស់យើងផងដែរក្នុងការជួយដល់ប្រទេសជាតិ ប្រជាជន និងអ្នកប្រើប្រាស់។ យើងផ្តោតលើការលើកកម្ពស់ការរស់នៅ និងលក្ខខណ្ឌរស់នៅរបស់ប្រជាជន។ វាមិនមែនគ្រាន់តែជាការសាងសង់ខុនដូប៉ុណ្ណោះទេ»។
នៅជាប់នឹងគម្រោងខុនដូ Urban Village នោះដែរ គឺមជ្ឈមណ្ឌលច្នៃប្រឌិត Factory Phnom Penh ដែលមានហាងលក់ទំនិញ កន្លែងលេងហ្គេម កន្លែងធ្វើការរួម ដែលព័ទ្ធជុំវិញដោយសួនច្បារពណ៌បៃតងខៀវស្រងាត់ និងមានផ្លូវដើរសម្រាប់អ្នករស់នៅផងដែរ។ អ្វីដែលកាន់តែគួរឲ្យចាប់អារម្មណ៍ទៀតនោះ គឺប្លុកមួយ ក្នុងគម្រោង២ ត្រូវបានលក់អស់តែក្នុងរយៈពេល១ខែប៉ុណ្ណោះ បន្ទាប់ពីបើកសម្ពោធ។ ឥឡូវ ប្លុក G កំពុងបើកលក់។
អ្នកស្រីបន្ថែមថា៖
«ប្រជាជនមានជំនឿចិត្តខ្លាំង លើគម្រោងរបស់យើង ចាប់ តាំងពីយើងត្រូវបានទទួលស្គាល់ដោយ Asia Property Guru Awards ដែលផ្តល់ពានរង្វាន់ទាំងក្នុងប្រទេស រហូតដល់ពានរង្វាន់លំដាប់អាស៊ី។ ហើយអតិថិជនរបស់យើង បានមើលឃើញពីរបៀបដែលយើងកសាងសហគមន៍របស់យើង និងព្រឹត្តិការណ៍ដ៏គួរឱ្យរំភើបរីករាយទាំងអស់ដែលយើងបានធ្វើ និងអភិវឌ្ឍន៍»។
អ្នកស្រីបន្តថា៖
«យើងផ្តោតលើអតិថិជនភាគច្រើនបំផុតដែលចាប់អារម្មណ៍ទិញខុនដូ ទាំងចាស់ និងក្មេង។ យើងផ្តល់កម្ចីចំនួន ៧៥ ភាគរយ រហូតដល់២៥ឆ្នាំ»៕
កីឡាករបាល់ទាត់កម្ពុជា លោក ប្រាក់ មុន្នីឧត្តម មានគន្លឹះសំខាន់ៗសម្រាប់អ្នកចង់ទិញ លំនៅឋាន។ លោក ឧត្តម ដែលបច្ចុប្បន្នជា«ទូតសុច្ឆន្ទៈ»របស់ក្រុមហ៊ុន Urban Village Hub (Cambodia) Co. Ltd. ថ្លែងថា ក្រុមហ៊ុនអភិវឌ្ឍន៍បានដើរលើទិសដៅដ៏ត្រឹមត្រូវក្នុងការកសាងលំនៅឋានទំនើបនៅកម្ពុជា។ លោកលើកឡើងថា៖
«ជាមួយ នឹងការអភិវឌ្ឍយ៉ាងឆាប់រហ័សនៅទូទាំងប្រទេស តម្រូវការលំនៅឋានដែលមានគុណភាពខ្ពស់ក៏មានការ កើនឡើងផងដែរនៅក្នុងទីក្រុង។ កាលពីប៉ុន្មានឆ្នាំមុន ខ្ញុំមិនទាន់ឃើញប្រជាជនកម្ពុជាចាប់អារម្មណ៍លំនៅឋានទំនើបច្រើននៅឡើយទេ ប៉ុន្តែក្នុងរយៈពេលប៉ុន្មានឆ្នាំចុងក្រោយនេះ ខ្ញុំបានកត់សម្គាល់ឃើញថាមានការផ្លាស់ប្តូរច្រើន គឺពួកគេមានតម្រូវការលំនៅឋានបែបនេះកាន់តែច្រើន។ ប្រជាជនចូលចិត្តរស់នៅក្នុងខុនដូ ពីព្រោះវាមានទីតាំងស្ថិតនៅក្នុងទីក្រុង ដែលនៅមិនឆ្ងាយពីកន្លែងធ្វើការរបស់ពួកគេ»។
លោកឧត្តម ថ្លែងថា៖
«ខ្ញុំជឿជាក់លើគម្រោង Urban Village ពីព្រោះវាជាគម្រោងអភិវឌ្ឍន៍ដ៏ អស្ចារ្យ។ ជាមួយនឹងតម្លៃសមរម្យមានទីតាំងល្អ និងទទួលបានពាន-រង្វាន់ចំនួន៦។»
Urban Village ផ្តល់នូវផលិតផលដែលមានគុណភាពខ្ពស់។យើងរកមិនឃើញមូលហេតុដែលអតិថិជនមិនគួរទិញនោះទេ។
បច្ចុប្បន្នក្រុមហ៊ុនអភិវឌ្ឍន៍នេះកំពុងអភិវឌ្ឍគម្រោងខុនដូ Urban Village ដែលមានទីតាំងស្ថិតនៅតាមបណ្តោយមហាវិថីសម្តេច ហ៊ុន សែន ហើយដំណាក់កាលទី២ គ្រោងនឹងបញ្ចប់នៅ ខែកញ្ញា ឆ្នាំ២០២២។
ដោយពិពណ៌នា Urban Village ថាជា «គម្រោងប្រកបដោយភាពច្នៃប្រឌិត» នោះ លោក ឧត្តម បានថ្លែងថា៖
«ក្រុមហ៊ុនសមនឹងទទួលបានពានរង្វាន់ដែលខ្លួនឈ្នះនៅក្នុងឆ្នាំនេះ ពីព្រោះវាបានបង្ហាញអំពីសមត្ថភាពរបស់ខ្លួនក្នុងការសាងសង់ខុនដូ។ ខ្ញុំពិតជាមានមោទនភាពណាស់ចំពោះសមិទ្ធិផលរបស់ Urban Village ។ ការទទួលស្គាល់នេះមិនមែនសម្រាប់តែគម្រោងនេះប៉ុណ្ណោះទេ ប៉ុន្តែសម្រាប់ប្រទេសជាតិរបស់យើងផងដែរ ពីព្រោះវាជាគម្រោងដំបូងគេបង្អស់នៅកម្ពុជាដែលទទួលបានពានរង្វាន់នេះ»។
លោកបន្ថែមថា៖
«ខ្ញុំដឹងថា Urban Village គឺជាក្រុមហ៊ុនមួយដែលមានក្តីសុបិនហើយសម្រាប់ខ្ញុំក្នុងនាមជាកីឡាករម្នាក់ខ្ញុំក៏មានក្តីសុបិន្តដែរ។ ដូច្នេះប្រសិនបើយើងសហការគ្នា យើងនឹងទទួលជោគជ័យ ហើយខ្ញុំពិតជារីករាយក្នុងការធ្វើជាទូតសុច្ឆន្ទៈរបស់ Urban Village»។
Urban Village បានឈ្នះពានរង្វាន់ «គម្រោងអភិវឌ្ឍខុនដូល្អបំផុត» ក្នុងកម្មវិធីប្រគល់ពានរង្វាន់អចលនទ្រព្យ Property Guru Asia Property Awards លើកទី១៤ កាលពីថ្ងៃទី២៨ ខែវិច្ឆិកា នៅទីក្រុងបាងកក។
Urban Village មិនគ្រាន់តែផ្តោតលើការអភិវឌ្ឍខុនដូប៉ុណ្ណោះទេ ប៉ុន្តែក៏កំពុងលើកកម្ពស់របៀបរស់នៅដោយសុខមាលភាពផងដែរតាមរយៈបាល់ទាត់។
ការប្រកួតបាល់ទាត់មិត្តភាពរវាងក្រុមព្រះខ័នរាជស្វាយរៀងរបស់ ប្រាក់ មុន្នីឧត្តម និងក្រុមបាល់ទាត់ China Macau MUST CPK នឹងត្រូវធ្វើឡើងនៅទីលាន របស់ក្រុមហ៊ុនអភិវឌ្ឍន៍នេះតែម្តង គឺនៅថ្ងៃទី ២៨-២៩ ខែធ្នូ៕
Bong I.T