អាល្លឺម៉ង់៖ គ្រូបង្វឹកសញ្ជាតិព័រទុយហ្កាល់លោក Jose Mourinho បាននិយាយថា គ្មានក្រុមណាបន់ស្រន់ចង់ជួប Spur នៅ Champions League វគ្គ១៦ក្រុមចុងក្រោយនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុម Tottenham បានរងបរាជ័យក្រោមថ្វីជើងក្រុម Bayern Munich ក្នុងការប្រកួតជុំចុងក្រោយវគ្គចែកពូល ព្រឹត្តិការណ៍ Champions League ដោយលទ្ធផល ៣ទល់នឹង១ កាលពីរាត្រីថ្ងៃអង្គារម្សិលមិញនេះ តែទោះជាយ៉ាងណាពួកគេបានកក់កៅអីទៅលេងវគ្គ១៦ក្រុមចុងក្រោយរូចទៅហើយ ដោយឈរលេខ២ក្នុងពូល B។
យ៉ាងណាមិញក្រុមលោក Mourinho អាចនឹងប៉ះក្រុមខ្លាំងៗផ្សេងទៀតនៅជុំបន្ទាប់រួមមានក្រុម Paris Saint-Germain, Juventus, Barcelona, Leipzig, Real Madrid ឬ Valencia ប៉ុន្តែគ្រូបង្វឹកវ័យ៥៦ឆ្នាំរូបនេះ មិនញញើតនឹងក្រុមទាំងនោះទេ ដោយលោកមានជំនឿជឿជាក់យ៉ាងមុតមាំថាក្រុមរបស់លោក នឹងមានឱកាសឡើងទៅវគ្គ៨ក្រុម ឬវគ្គពាក់កណ្ដាលផ្ដាច់ព្រ័ត្រ។
លោក Mourinho បាននិយាយក្រោយបញ្ចប់ការប្រកួតកាលពីម្សិលមិញថា៖
"ពួកយើងជាក្រុមដែលបញ្ចប់ចំណាត់ថ្នាក់លេខ២ក្នុងពូល តែខ្ញុំគិតថាក្រុមដែលបញ្ចប់ចំណាត់ថ្នាក់លេខ១ នឹងមិនបន់ស្រន់ចង់ប៉ះពួកយើងនោះទេ។ ព្រោះពួកយើងជាក្រុមដែលខ្លាំងបំផុត ក្នុងចំណោមក្រុមដទៃទៀតដែលឈរលេខ២។ សេចក្ដីប្រាថ្នារបស់ខ្ញុំគឺ ពួកយើងនឹងអាចឡើងទៅវគ្គ៨ក្រុម ឬវគ្គពាក់កណ្ដាលផ្ដាច់ព្រ័ត្រ ដែលជាការប្រកួត ដែលពួកយើងចង់បាន៕"
ប្រភព៖ metro
Bong I.T