ក្ដុកក្ដួល! ស្ត្រីវ័យ៦៩ឆ្នាំម្នាក់ ជប់លៀងថ្ងៃកំណើតរបស់ខ្លួនម្នាក់ឯងក្នុងភោជនីយដ្ឋាន ស្រាប់តែបុរសចិត្តល្អម្នាក់ ចេញលុយថ្លៃអាហារឲ្យ

ចិន៖ ថ្ងៃកំណើតត្រូវបានគេចាត់ទុកថា ជាថ្ងៃអបអរសាទរជាមួយមិត្តភក្តិ និងក្រុមគ្រួសារប៉ុន្តែសម្រាប់ស្ត្រីវ័យ៦៩ឆ្នាំម្នាក់នេះវិញ បានទទួលទានអាហារថ្ងៃខួបកំណើតរបស់ខ្លួនតែម្នាក់ឯងនៅក្នុងភោជនីយដ្ឋាន ព្រោះគ្មាននរណាម្នាក់មកអបអរជាមួយគាត់ឡើយ។ 

ប្រភពបានឲ្យដឹងថា ស្ត្រីរូបនោះមាននាមត្រកូលថា Wang  រស់នៅក្នុងទីក្រុង Anshan ប្រទេសចិន ហើយគាត់មិនមានសាច់ញាតិផ្សេងឡើយ ក្រៅពីម្តាយអាយុ៩០ឆ្នាំ ដែលមិនអាចដើររួច និងកូនប្រុសម្នាក់ ដែលកំពុងធ្វើការនៅឆ្ងាយ។ ចំណែកស្វាមីរបស់គាត់ បានស្លាប់កាលពី៣០ឆ្នាំមុនមកម៉្លេះ។ កាលពីថ្ងៃទី២៧ ខែវិច្ឆិកា ឆ្នាំ២០១៩កន្លងទៅនេះ  គាត់បានទៅភោជនីយដ្ឋានមួយកន្លែងម្នាក់ឯង ដោយមាននំខេកតូចមួយ និងកុម៉្មង់ម្ហូបចំនួនពីរមុខ ដើម្បីអបអរថ្ងៃកំណើតរបស់ខ្លួន។

បើយោងតាមសម្ដីរបស់បុគ្គលិកនៅទីនោះបានឲ្យដឹងថា អ្នកស្រី Wang បានទាញទូរសព្ទថតវីដេអូដើម្បីផ្ញើទៅកាន់កូនប្រុសដោយនិយាយថា៖

ក្រោយពីបានឮពាក្យទាំងអស់ចេញពីមាត់អ្នកស្រី Wang រួចមក បុរសម្នាក់ដែលអង្គុយក្បែរនោះបានដើរសំដៅទៅកាន់អ្នកស្រី Wang ហើយនិយាយថា៖

បន្ទាប់មកទៀត បុរសនោះក៏បានដើរទៅកន្លែងគិតប្រាក់ រួចចេញថ្លៃម្ហូបឲ្យអ្នកស្រី Wang បើទោះបីជាម្ចាស់ភោជនីយដ្ឋាន បានប្រាប់ថាពួកគេនឹងផ្តល់នូវអាហារដោយឥតគិតថ្លៃ ទៅកាន់អ្នកស្រី Wang ក៏ដោយ។ ចំណែកអ្នកស្រី Wang បានបដិសេធមិនព្រមទទួល និងបម្រុងឲ្យប្រាក់ទៅកាន់បុរសនោះវិញ ប៉ុន្ដែបុរសនោះមិនទទួលឡើយ។

អ្នកស្រី Wang បាននិយាយថា៖

ក្រោយពីរឿងរ៉ាវដ៏រំជួលចិត្តខាងលើនេះ ត្រូវបានចែករំលែកនៅលើបណ្តាញអ៊ិនធើណែតរួចមក មានមហាជនជាច្រើនកោតសរសើរពីទឹកចិត្តរបស់បុរសនោះ និងចូលរួមជូនពរថ្ងៃកំណើតរបស់អ្នកស្រី Wang ផងដែរ៕

សូមទស្សនារូបភាពខាងក្រោម៖