ហ្វីលីពីន៖ ក្រុមជម្រើសជាតិកម្ពុជាអាយុក្រោម២២ ឆ្នាំបានយកឈ្នះទៅលើក្រុមជម្រើសជាតិទីម័រខាងកើត ៥ទល់នឹង០ ក្នុងព្រឹត្តិការណ៍ស៊ីហ្គេម លើកទី៣០ វិញ្ញាសារបាល់ទាត់បុរស កាលពីថ្ងៃពុធម្សិលមិញនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្រោយបញ្ចប់ការប្រកួត គ្រូបង្វឹកក្រុមជម្រើសជាតិទីម័រខាងកើតបានសរសើរដល់ក្រុមជម្រើសជាតិកម្ពុជាថា ជាក្រុមមួយដ៏ល្អ លេងបាល់បានល្អជាមួយនឹងការត្រៀមខ្លួនបានល្អ។
គ្រូបង្វឹកក្រុមជម្រើសជាតិទីម័រខាងកើត បានថ្លែងក្នុងសន្និសិទកាសែតក្រោយបញ្ចប់ការប្រកួតថា៖
"ការប្រកួតនេះពិតជាលំបាកសម្រាប់យើង កម្ពុជាគឺជាក្រុមមួយល្អ ពួកគេលេងបាល់ល្អជាមួយនឹងការត្រៀមខ្លួនបានល្អ។"
លោកបានបន្តទៀតថា៖
"៦០នាទីដំបូងក្រុមយើងធ្វើបានល្អ តែបន្ទាប់ពីនោះយើងលេងខុសទីតាំងបន្តិច ប៉ុន្តែនេះគឺជាបាល់ទាត់ យើងបង្កើតកំហុសគឺជារឿងធម្មតា អ្វីដែលត្រូវគិតនោះគឺថែរក្សាកម្លាំងត្រៀមប្រកួតបន្ទាប់ទៀត។"
គួរឲ្យដឹងដែរថាប្រកួតបន្ទាប់របស់ ក្រុមជម្រើសជាតិទីម័រខាងកើតអាយុក្រោម២២ឆ្នាំ នឹងត្រូវប៉ះជាមួយនឹងក្រុមខ្លាំងម៉ាឡេស៊ីអាយុក្រោម២២ឆ្នាំ នៅថ្ងៃទី២ ខែធ្នូខាងមុខនេះ វេលាម៉ោង៧:00 យប់៕
ប្រភព៖ សហព័ន្ធកីឡាបាល់ទាត់កម្ពុជា
Bong I.T