មាស​ សុខសោភា ឡើងសម្តែងលើឆាកអន្តរជាតិ ច្នៃអាវរូបទង់ជាតិខ្មែរ ស្រែកច្រៀងយ៉ាងអស្ចារ្យ (មានវីដេអូ)

កូរ៉េខាងត្បូង៖ តារាចម្រៀងស្រីដ៏កំពូល កញ្ញាមាស សុខសោភា ពេលនេះកំពុងតែទទួលបាននូវការសរសើរយ៉ាងខ្លាំងពីបណ្តាអ្នកគាំទ្រនៅក្នុងប្រទេស ក្រោយនាងបានលេចមុខនៅក្នុងកម្មវិធីធំមួយ ដែលមានការច្រៀងរួមគ្នាជាមួយនឹងបណ្តាប្រទេសដទៃយ៉ាងកក្រើក។

ជាមួយគ្នានេះដែរ ឃើញថាតាមរយៈវីដេអូនេះបានធ្វើឲ្យហ្វេនជាច្រើន ពិតជាមោទនភាពចំពោះរូបនាងយ៉ាងខ្លាំង ដែលសម្លេងច្រៀងរួមគ្នាបែបនេះជាមួយបណ្តាប្រទេសផ្សេង ពិតជាពីរោះខ្លាំងមិនថាច្រៀងជាភាសាបរទេសយ៉ាងណាក្តី។ តែអ្វីដែលធ្វើឲ្យមហាជនជាច្រើន ផ្ទុះការកោតសរសើរកាន់តែខ្លាំងនោះគឺ ការស្លៀកពាក់របស់នាង នៅលើឆាកដ៏ធំក្នុងប៉ុស្តិ៍ទូរទស្សន៍ដ៏ល្បីមួយនេះ។

ដោយក្នុងនោះនាងបានធ្វើការច្នៃ ឈុតសម្លៀកបំពាក់ជាប់ជាមួយនឹងទង់ជាតិខ្មែរ អមជាមួយនឹងក្រមាខ្មែរ ដែលមើលទៅពិតជាសមរម្យសាកសមបំផុត ជាមួយនឹងកំពូលតារាចម្រៀងខ្មែរ ក្រោយមានគំនិតច្នៃឡើងបានយ៉ាងល្អ យ៉ាងដូច្នោះ។

តាមរយៈសកម្មភាពទាំងនេះ មើលទៅតារាខ្មែរពិតជាលេចធ្លោតែម្តង ស្របពេលដែលនាងបានធ្វើការបង្ហាញសម្បត្តិវប្បធម៌ខ្មែរ ទៅកាន់ប្រទេសដទៃបានដឹង តាមរយៈឱកាសដ៏ល្អបែបនេះ៕

សូមទស្សនាវីដេអូខាងក្រោមនេះ ដើម្បីជាបច្បាស់៖