ភ្នំពេញ៖ ថ្ងៃទី២០ ដល់ ២៣ ខែវិច្ឆិកា ឆ្នាំ២០១៩ នៅថ្ងៃនេះ ធនាគារ PPCBank បានប្រកាសថាធនាគារនឹងសហការជាថ្មីម្ដងទៀត ជាមួយក្រុមវេជ្ជបណ្ឌិត និងគិលានុបដ្ឋាយិកាស្ម័គ្រចិត្តកូរ៉េសម្រាប់កម្មវិធីគំហើញថ្មីឆ្នាំ២០១៩ ដែលជាកម្មវិធីប្រឆាំឆ្នាំដោយសហការជាមួយធនាគារ JB Bank និងអង្គការមូលនិធិចក្ខុខ្មែរ ដែលធនាគារ និងគ្រូពេទ្យព្យាបាលភ្នែកនឹងផ្ដល់ការត្រួតពិនិត្យ ភ្នែក និងការវះកាត់ភ្នែកគុណភាពខ្ពស់ដោយឥតគិតថ្លៃសម្រាប់ប្រជាជនកម្ពុជាដែលមានចំណូល ទាប និងមានជីវភាពខ្វះខាត ដើម្បីឱ្យពួកគាត់អាចមើលឃើញច្បាស់ឡើងវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងកម្មវិធីគំហើញថ្មីឆ្នាំ២០១៨ អ្នកជំងឺកម្ពុជាជាង ៤០០ នាក់បានទទួលការត្រួតពិនិត្យវេជ្ជសាស្រ្តពេញលេញ ការព្យាបាលបញ្ហាសុខភាពជាច្រើន និងអ្នកជំងឺចំនួន ៨៤ នាក់ទទួលបានការវះកាត់ភ្នែក ប្រកបដោយដោយភាពជោគជ័យ។ កម្មវិធីគំហើញថ្មីនេះមានគោលបំណងកាត់បន្ថយការរីករាលដាលនៃបញ្ហាភ្នែក និងគំហើញ ជាពិសេសគឺជំងឺភ្នែកឡើងបាយ និងភ្នែកស្រលៀង និងដើម្បីបង្កើនគុណភាពជីវិតទូទៅសម្រាប់ប្រជាជនកម្ពុជាដែលពុំមានលទ្ធភាពបង់ថ្លៃសេវាកម្មថែទាំ និងព្យាបាលភ្នែក។
កម្មវិធីគំហើញថ្មីឆ្នាំ២០១៩ របស់យើងដែលនឹងចាប់ផ្ដើមនៅថ្ងៃពុធ ទី២០ ខែវិច្ឆិកា រហូតដល់ថ្ងៃសៅរ៍ ទី២៣ ខែវិច្ឆិកា ឆ្នាំ២០១៩ ខាងមុខនេះ មានធ្វើឡើងនៅតាមទីតាំងផ្សេងៗគ្នារួមមាន ទីក្រុងភ្នំពេញ ខេត្តកណ្ដាល ខេត្តកំពង់ស្ពឺ និងកំពត ហើយធនាគារ PPCBank យើងខ្ញុំសង្ឃឹមថានឹងបានជួយដល់ប្រជាជនកម្ពុជាកាន់តែច្រើនជាងឆ្នាំមុន ព្រមទាំងជួយសម្រាលការលំបាកផ្នែកសង្គម-សេដ្ឋកិច្ច ដែលគ្រួសាររបស់ពួកគាត់បានជួបប្រទះ និងត្រូវដោះស្រាយ។
យោងតាមស្ថិតិដែលបានផ្ដល់ដោយកម្មវិធីជាតិសុខភាពភ្នែក និងគំហើញឆ្នាំ២០២០៖ សិទ្ធិទទួល បានភ្នែកមើលឃើញច្បាស់ ប្រជាជនកម្ពុជាជិត ៣០,០០០ នាក់បានក្លាយជាជនពិការភ្នែកជារៀងរាល់ឆ្នាំ។ ៩០ភាគរយនៃបញ្ហាជំងឺភ្នែកទាំងនេះ គឺជាបញ្ហាដែលអាចទប់ស្កាត់បានប្រសិនបើមានការថែទាំត្រឹមត្រូវនោះ។ ជំងឺភ្នែកឡើងបាយមានចំនួន ៦៥ ភាគរយ នៃករណីពិការភ្នែកទាំងអស់នៅក្នុងប្រទេសកម្ពុជា ដែលមានចំនួន ១៩,០០០ ករណីជារៀងរាល់ឆ្នាំ។ បញ្ហាភ្នែកមានកម្រិតខ្ពស់ដោយសារតែលទ្ធភាពទទួលបានសេវាកម្មថែទាំសុខភាព និងភ្នែកដែលមានគុណភាពនៅមានកម្រិតនៅឡើយ ហើយករណីនេះកើតឡើងភាគច្រើនក្នុងចំណោមប្រជាជនដែលមិនសូវមានធនធានផ្នែកហិរញ្ញវត្ថុតែម្ដង។
ដោយអនុវត្តស្របតាមកម្មវិធីគំហើញប្រចាំឆ្នាំកាលពីលើកមុនៗ កម្មវិធីគំហើញថ្មីឆ្នាំ២០១៩ នេះ នឹងផ្ដោតការយកចិត្តទុកដាក់ផ្នែកវេជ្ជសាស្រ្តទៅលើការធ្វើរោគវិនិច្ឆ័យ និងព្យាបាលពលរដ្ឋ កម្ពុជាងាយរងគ្រោះបំផុត ដែលមានជំងឺភ្នែកឡើងបាយ ការដុះដុំពកក្នុងកែវភ្នែកដែលនាំឱ្យកើត ជំងឺភ្នែក និងភ្នែកស្រលៀង ដែលគេហៅជាទូទៅថា ភ្នែកកែក។ ក្រុមគ្រូពេទ្យក៏នឹងត្រៀមលក្ខណៈ ដើម្បីធ្វើរោគវិនិច្ឆ័យ និងព្យាបាលបញ្ហា និងជំងឺភ្នែកផ្សេងៗទៀតផងដែរ ដើម្បីធានាថាប្រជាជន កម្ពុជាម្នាក់ៗ ដែលទទួលសេវាកម្មពីក្រុមគ្រូពេទ្យទាំងនេះនឹងមានភ្នែកភ្លឺច្បាស់ល្អឡើងវិញ ព្រមទាំងមានឱកាសទទួលបានសេវាកម្មថែទាំភ្នែកត្រឹមត្រូវផងដែរ។
អ្នកជំងឺម្នាក់ៗនឹងទទួលបានការត្រួតពិនិត្យភ្នែកដែលមានកម្រិតគុណភាពខ្ពស់ស្មើនឹងគុណភាពសេវាកម្មដែលផ្ដល់ដោយមជ្ឈមណ្ឌលថែទាំភ្នែកលំដាប់ខ្ពស់នៅប្រទេសកូរ៉េខាងត្បូងដូច្នោះដែរ។ការត្រួតពិនិត្យភ្នែកឱ្យបានល្អិតល្អន់ជាមុនត្រូវបានធ្វើឡើងដើម្បីវាយតម្លៃតម្រូវការរបស់អ្នកជំងឺម្នាក់ៗ។ បន្ទាប់ពីបានវាយតម្លៃរួចអ្នកជំងឺនឹងឆ្លងកាត់ការវះកាត់ ដើម្បីកាត់យកសាច់ដុះក្នុងកែវភ្នែកចេញដោយដាក់ជំនួសមកវិញនូវកែវភ្នែកផ្សាំដែលអាចប្រើប្រាស់បានពេញមួយជីវិតដែលហៅថាកែវភ្នែក intraocular។ អ្នកជំងឺក៏នឹងទទួលផងដែរនូវការពិគ្រោះយោបល់ និងការបណ្ដុះបណ្ដាលក្រោយពេលវះកាត់ដែលនឹងណែនាំពួកគាត់អំពីរបៀបថែទាំរហូតដល់ពេលជាសះស្បើយ។ វគ្គបណ្ដុះបណ្ដាលនេះក៏នឹងផ្ដល់ព័ត៌មានអំពីការថែទាំភ្នែកឱ្យបានត្រឹមត្រូវ និងសុខភាពភ្នែកដល់អ្នកជំងឺផងដែរ ដែលនឹងជួយពួកគាត់ឱ្យចេះអំពីរបៀបថែទាំភ្នែកបានល្អប្រសើរ។
លោក Shin Chang Moo ប្រធានធនាគារ PPCBank បានមានប្រសាសន៍ថា៖
លោកប្រធាន Shin ក៏បានមានប្រសាសន៍បន្តទៀតថា៖