ធ្លាប់សម្គាល់អត់ថាជង្គង់យើង មានពណ៌ខ្មៅជាងផ្នែកផ្សេងទៀត នៃរាងកាយ ហើយនេះដោយសារស្បែកផលិតសមាសធាតុមេឡានីនច្រើនពេក។ ចុះហេតុម៉េចបានជាបរិវេនណនេះ ឡើងខ្មៅ ហើយអាចដោះស្រាយបានអត់?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. មូលហេតុបណ្ដាលឲ្យជង្គង់ខ្មៅ
ស្បែកខ្មៅត្រង់ជង្គង់ និងកែងដៃ កើតឡើងជាធម្មតា តែក៏អាស្រ័យលើប្រភេទស្បែករបស់មនុស្សម្នាក់ៗផងដែរ។ ក្នុងនោះ មានមូលហេតុមួយចំនួន បណ្ដាលឲ្យជង្គង់ និងកែងជើង ខ្មៅជាងផ្នែកផ្សេងទៀត នៃរាងកាយ៖
- ការកើនឡើងកោសិកាស្បែកងាប់
- ការកកិត
- ការរងកម្ដៅថ្ងៃ
- ការកើនឡើងសមាសធាតុមេឡានីនច្រើនពេកនៅក្នុងរាងកាយ (Post-inflammatory Hyperpigmentation)
- ស្ថានភាពស្បែក ដូចជា បណ្ដាលមកពីជំងឺត្រអក
២. រូបមន្ដធម្មជាតិជួយឲ្យស្បែកប្រែជាសវិញ
ជង្គង់ខ្មៅ គ្មានគ្រោះថ្នាក់នោះទេ ហើយយើងមិនចាំបាច់ព្យាបាលក៏បាន ប៉ុន្ដែបើយើងស្រលាញ់ស្បែក និងចង់ឲ្យវាសដូចផ្នែកផ្សេងទៀតនៃរាងកាយ មានរូបមន្ដធម្មជាតិមួយចំនួន ដែលយើងអាចអនុវត្តបាន។
តែបៃតង
- ដាក់តែបៃតង ១កញ្ចប់ ក្នុងពែងទឹកក្តៅ ហើយទុកឲ្យត្រជាក់
- យកដុំសំឡីជ្រលក់ក្នុងទឹកតែបៃតង ហើយយកមកជូតលើជង្គង់
- ធ្វើដូច្នេះ ឲ្យបាន ២ដង/ថ្ងៃ
ជែលប្រទាលកន្ទុយក្រពើ
- លាបប្រទាលកន្ទុយក្រពើ ១ស្លាបព្រាកាហ្វេ លើជង្គង់
- ធ្វើដូច្នេះ ពី ២-៣ដង/សប្ដាហ៍
រមៀត
- លាយម្សៅរមៀត ១/២ស្លាបព្រាកាហ្វេ ជាមួយយាអួរ ឬទឹកឃ្មុំ ១ស្លាបព្រា
- លាបល្បាយនេះ លើជង្គង់ រយៈពេល ១០-១៥នាទី
- ធ្វើដូច្នេះ ២-៣ដង/សប្ដាហ៍
៣. វិធីបង្ការស្បែកខ្មៅលើជង្គង់
- ប្រើក្រែមការពារកម្ដៅថ្ងៃឲ្យបានទៀតទាត់
ដោយសារការកើនឡើងសមាសធាតុមេឡានីន បណ្ដាលមកពីកម្ដៅថ្ងៃ ដូច្នេះការប្រើក្រែមការពារកម្ដៅថ្ងៃ ពិតជាសំខាន់ណាស់ ក្នុងការការពារស្បែកមិនឲ្យខ្មៅ។
- រក្សាសំណើមប្រចាំថ្ងៃ
រក្សាសំណើមលើជង្គង់ ដោយលាបក្រែមរក្សាសំណើម ហើយវាជួយស្បែកមានសុខភាពល្អថែមទៀត។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T