ឃើញរាងស្វិតចឹងទេ តែតារាស្រីទាំង៥នាក់នេះ ត្រូវគេចាត់ទុកថាជា«នារីសាច់ដុំធំមុខCute»!

កួរ៉េខាងត្បូង៖ កន្លងមកប្រិយមិត្តទស្សនិកជនធ្លាប់តែឃើញ ការចុះផ្សាយអំពីតារាKpopប្រុស មានសាច់ដុំធំៗ៦កងសង្ហា គួរឲ្យទាក់ទាញមន្តស្នេហ៍ធ្វើឲ្យនារីៗឲ្យលង់ស្រលាញ់។

ដោយឡែក លើកនេះងាកមកចាប់អារម្មណ៍ ពីភាពទាក់ទាញនៃរាងកាយរបស់ តារាKpopស្រីៗទាំងនេះវិញម្តង ដែលបច្ចុប្បន្នកំពុងតែទទួលបាន ការចាប់អារម្មណ៍យ៉ាងខ្លាំង នៅលើបណ្តាញអ៊ីនធឺណែត។

គួរឲ្យដឹងថា កាលពីថ្មីៗនេះ បណ្តាអ្នកនិយមលេងអ៊ីនធើណែតមួយចំនួន បានលើកឡើងពីតារាចម្រៀងKpopស្រីចំនួន៥នាក់ ដែលពួកគេម្នាក់ៗសុទ្ធសឹងតែមានប្រជាប្រិយភាព ក្នុងស្រទាប់មហាជន និងជាពិសេសពួកគេថែមទាំងមានសមត្ថភាពសិល្បៈខ្ពស់ ក៏ដូចជាមានរូបសម្រស់មុខមាត់ស្រស់ស្អាត គួរឲ្យស្រលាញ់ ថែមទៀតផងដែរ។

ប៉ុន្តែអ្វីដែលកាន់តែធ្វើឲ្យមហាជនមានការកត់សម្គាល់ជាពិសេសនោះ រូបរាងដងខ្លួនរបស់ពួកគេម្នាក់ៗ គឺអាចនិយាយបានថាពោរពេញទៅដោយសាច់ដុំកង់ៗ មិនចាញ់បុរសៗប៉ុន្មាននោះឡើយ។ មិនតែប៉ុណ្ណោះ នេះបើតាមដឹង តារាKpopស្រីទាំង៥ដួងនេះ ពួកគេម្នាក់ៗគឺសុទ្ធសឹងតែស្រលាញ់សុខភាព ចូលចិត្តហាត់ប្រាណ និងញុំារបបអាហារសុខភាពជាដើមផងដែរ ទើបធ្វើឲ្យពួកគេម្នាក់ៗមានរូបរាងស្រស់ស្អាត និងជាពិសេសមានសាច់ដុំសឹងតែគ្រប់កន្លែង គួរឲ្យទាក់ទាញបែបនេះផងដែរ៕

ដូចនេះចង់ដឹងថាមានតារាKpopស្រីរូបណាខ្លះតាមដានខាងក្រោម៖

១. Lisa សមាជិកក្រុម (BLACKPINK)

២. Sejeong សមាជិកក្រុម (GUGUDAN)

៣. តារាសម្តែង Lee Si Young

៤. Nicole អតីតសមាជិកក្រុម (KARA)

៥. តារាចម្រៀងស្រី Kahi