នៅចាំតួ យ៉ាំងគួ និងសៀវ ឡុងនី អត់? នេះជាសម្រស់ប្តីប្រពន្ធអ្នកទាំងពីរ នៅពេលនេះ

ចិន៖ ថ្មីៗនេះសារព័ត៌មានប្រទេសចិន បានចុះផ្សាយពីគូស្វាមីភរិយាមួយគូលោក Christopher Lee និងអ្នកនាង Fann Wong ដែលធ្លាប់ជាតួ​អង្គ សៀវ ឡុងនី និងយ៉ាំង គួ បានប្រារព្ធធ្វើខួបអាពាហ៍ពិពាហ៍១០ឆ្នាំនៃស្នេហារបស់ពួកគេ។

ក្នុងនោះដែរ សម្រាប់ខួបអាពាហ៍ពិពាហ៍នេះ បាននឹងកំពុងទទួលការចាប់អារម្មណ៍ពីសំណាក់អ្នកគាំទ្រ ក៏ដូចជាមហាជនមែនទែន ព្រោះថាកាយវិការបស់អ្នកទាំងពីរ ពិតជាផ្អែមល្ហែម ស្ទើរតែធ្វើឲ្យអ្នកគាំទ្រលើសជាតិស្ករទៅហើយ។

មិនត្រឹមតែប៉ុណ្ណោះ ផ្អែមលើរូបភាពប៉ុន្មានសន្លឹកនោះ អ្នកគាំទ្របានចាប់អារម្មណ៍ថា សម្រាប់ វ័យគូស្វាមីភរិយា យ៉ាំងគួ និងសៀវ ឡុងនី ពេលនេះ ពិតជារាងជ្រេបន្តិចហើយ ក៏ប៉ុន្តែអ្នកទាំងពីរនៅតែមានសម្រស់ស្រស់ស្អាត និងសង្ហាក្នុងកែវភ្នែកអ្នកគាំទ្រជានិច្ច។

ទោះជាយ៉ាងណាក្តី ទាំងនេះបានបង្ហាញឲ្យឃើញថា ជីវិតគូរបស់លោក Christopher Lee និងអ្នកនាង Fann wong ពិតជាមានសុភមង្គលខ្លាំងមែនទែន ព្រោះថាបើទោះជាអ្នកទាំងពីរ កាន់តែចាស់ក្តី ក៏ពួកគេនៅតែបង្ហាញក្តីស្រលាញ់ យ៉ាងស្អិតរមួតដាក់គ្នាទៅវិញទៅមក៕

តើប្រិយមិត្តយល់យ៉ាងណាដែរ?