ឃើញសង្ហាបែបនេះមែន តែ Kris Wu មានចំណុចខ្សោយមួយ ដែលធ្វើឲ្យសម្រស់របស់លោកប្រែប្រួល ១៨០ ដឺក្រេ

កូរ៉េខាងត្បូង៖ ប្រិយមិត្តដែលជាអ្នកគាំទ្ររបស់អតីតសមាជិកក្រុម Exo លោក Kris Wu ច្បាស់ជាជ្រាបហើយថា តារាចម្រៀងរូបនេះ ពិតជាមានសម្រស់ស្រស់សង្ហាមែនទែន ដែលរូបលោកបានឆក់យកបេះដូងនារីៗមិនតិចនោះទេ ឲ្យងប់លង់ស្រលាញ់ស្ទើរតែដកខ្លួនមិនរួច។

ក៏ប៉ុន្តែអ្វីដែលធ្វើឲ្យអ្នកគាំទ្រភ្ញាក់ផ្អើលស្ទើរតែដាច់ផ្ងារនោះ សម្រាប់តារាប្រុសរូបនេះ បើទោះជារូបលោកមានមុខមាត់សង្ហាយ៉ាងណាក្តី ក៏ប៉ុន្តែ Kris មានចំណុចខ្សោយមួយដែលធ្វើឲ្យសម្រស់ខ្លួន ប្រែប្រួលស្ទើរតែ១៨០ដឺក្រេ។

ក្នុងនោះ អ្នកគាំទ្រសង្កេតឃើញថា បើសិនជាលោក Kris Wu សើចចេញធ្មេញ នោះសម្រស់របស់លោកនឹងប្រែប្រួល ព្រោះថានៅពេលដែលលោកសើចចេញធ្មេញខ្លាំង នោះអញ្ចាញរបស់លោកក៏ឃើញខ្លាំងទៅតាមនោះដែរ។

ទោះជាយ៉ាងណាក្តី សម្រាប់អ្នកគាំទ្រមួយចំនួនរបស់ Kris បានចេញមុខការពារកម្លោះសង្ហារូបនេះថា បើទោះជាយ៉ាងណាក៏ដោយ ក៏សម្រស់របស់លោកនៅតែសង្ហា គ្មានអ្វីប្រែប្រួលនោះទេ៕

តើប្រិយមិត្តយល់យ៉ាងណាដែរ?