មកមើលស្ទាយ៍តែងខ្លួនតារាស្រីកូរ៉េ ជាមួយខោរឹបៗ ត្រឹមភ្លៅ ស្អាតៗនិងទាន់សម័យតែម្តង!

កូរ៉េខាងត្បូង៖ មួយរយៈក្រោយនេះសង្កេតឃើញថា តារាស្រីជាច្រើននាំគ្នាលេងស្ទាយ៍ស្លៀកពាក់ថ្មី ជាមួយខោខ្លីបែបកីឡារឹបៗត្រឺមភ្លៅ ដែលមើលទៅសាមញ្ញៗ ប៉ុន្តែស្រស់ស្អាត។

ជាក់ស្តែងមានតារាស្រីកូរ៉េប៉ុន្មានរូប ដែលពួកគេបានលេងស្ទាយ៍តែងខ្លួនប្លែកៗពីគ្នា ជាមួយខោរឹបរាងមួយប្រភេទនេះ។

ចង់ដឹងថាតារាស្រីទាំងនោះមានអ្នកណាខ្លះ? តោះ!ទៅទស្សនាទាំងអស់គ្នា៖

១. Seulgi ក្រុម Red Velvet

Seulgi បានស្លៀកខោរឹបពណ៌ខ្មៅ ឡើងសម្តែងនៅក្នុងកម្មវិធី LG V50 ThinkQ ។ ទៀតសោតការស្លៀកពាក់របស់នាង​មានភាពប្លែកភ្នែក និងលេចធ្លោខ្លាំង។ ជាពិសេសបានបង្ហាញពីរាងដ៏ស្រស់ស្អាតទៀតផង ពេលដែលនាងរាំ និងឆក់យកបេះដូងអ្នកគាំទ្រមិនតិចនាក់។

២. Jennie ក្រុម BLACKPINK

សូម្បីតែស្រីស្រស់ Jennie សមាជិកក្រុមចម្រៀងដ៏ល្បីក៏មិនរំលងស្ទាយ៍នេះដែរ ដោយនាងបានស្លៀកខោរឹបនោះជាមួយអាវធំរលុងៗ បែបសាមញ្ញៗប៉ុន្តែស្រស់ស្អាត និងមានទាក់ទាញខ្លាំង។

៣. Son Naeun ក្រុម Apink

Naeun បានធ្វើឲ្យខោដ៏សាមញ្ញមួយនេះ ក្លាយទៅជាការស្ទាយ៍សម្លៀកបំពាក់ដ៏ទាន់សម័យតែម្តង ដោយគ្រាន់តែនាងបានស្លៀកវា ជាមួយអាវឈុតពណ៌ខ្មៅ​តែប៉ុណ្ណោះ។

៤. HyunA

ជាធម្មតាទៅហើយ តារាចម្រៀងស្រីស៊ិចស៊ីរូបនេះតែងតែលេងខ្លួន តាមស្ទាយ៍សម្លៀកបំពាក់ថ្មីៗជានិច្ច។ ទៀតសោត HyunA បានជ្រើសរើសការស្លៀកខោរឹបនេះ ជាមួយអាវយឺតធម្មតា ប៉ុន្តែមើលទៅស្អាត និងលេចធ្លោជាមួយនឹងការតុបតែងខ្លួនបែបនេះ។

៥. Shin Min Ah

តារាសម្តែងស្រី Shin Min Ah បានស្លៀកខោប្រភេទនេះចូលរួមក្នុងកម្មវិធី ជប់លៀងប៊្រេនល្បី Cartier តែម្តង។ ដោយបានពាក់អាវធំខ្មៅពីលើ ធ្វើស្ទាយ៍សក់ចងទៅក្រោយធម្មតា និងបន្ថែមភាពស៊ិចស៊ីជាមួយក្រែមលាបមាត់ពណ៌ក្រហមឆ្អិនឆ្អៅ។

៦. Hwasa ក្រុម MAMAMOO

សម្រាប់តារាចម្រៀងស្រីសម្បុរសស្រអែមរូបនេះវិញ គឺស្ទាយ៍លែងខ្លូនប្លែកគេជានិច្ច។ ដោយនាងបានស្លៀកខោរឹបនោះពីក្នុង រូចស្លៀកខោពីលើ និងសំយ៉េះចង្កេះខោ មើលទៅទាក់ទាញ និងប្លែកម្យ៉ាង។

៧. Kim Jae Kyung

សម្រាប់តារាសម្តែងស្រីរូបនេះ ក៏មិនខុសពីតារាផ្សេងៗខាងលើដែរ ដោយបានយកខោនេះទៅស្លៀកជាមួយអាវរលុងៗ ដែលមើលទំនងស្រួលស្លៀកខ្លាំងណាស់។

៨. Luna ក្រុម f(x)

រៀងខុសពីតារាស្រីផ្សេងៗបន្តិច ព្រោះតែ Luna បានស្លៀកខោប្រភេទនេះដែលមានពណ៌ បៃតងខ្ចីឆើតឆាយ ប៉ុន្តែនៅតែសាកសមជាមួយនាងដដែល និយាយរួមទៅមនុស្សស្អាតស្លៀកអី ក៏នៅតែស្អាតដែរ។​

៩. Park Sora

តារាម៉ូដែល Park Sora​ បានតែងខ្លួនយ៉ាងលេចធ្លោជាមួយខោរឹបពណ៌ខ្មៅ ពាក់អាវយឺតដៃវែងពណ៌ស ឃើញថាតែងខ្លួនងាយៗប៉ុណ្ណឹងសោះ ប៉ុន្តែនាងពិតជាស្រស់ស្អាត និងទាន់សម័យតែម្តង។