កូរ៉េខាងត្បូង៖ កាលពីថ្ងៃទី២៤ ខែសីហាកន្លងទៅនេះ មានការប្រគំតន្ត្រីទឹកដ៏ធំមួយ ដែលមានឈ្មោះថា "Water Bomb Gwangju 2019" ដែលក្នុងនោះក៏មានវត្តមាន តារាចម្រៀងRavi ចូលរួមសម្តែងផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងក្នុងថ្ងៃនោះRavi បានពាក់អាវយឺតពណ៌សម៉ាកGucci សម្រាប់ការសម្តែងនៅលើឆាករបស់គេ។ អ្នករៀបចំកម្មវិធីបាននិយាយថា កម្មវិធីនេះគឺជាកម្មវិធីបាញ់ទឹកដ៏ធំមួយ ដែលមិនត្រឹមតែបាញ់ទៅកាន់ក្រុមអ្នកគាំទ្រ ដែលបានមកទស្សនាផ្ទាល់នៅទីនោះទេ គឺថែមទាំងបាញ់ទាំងនៅលើឆាក រួមទាំងតារាចម្រៀងផងដែរ។
ទោះយ៉ាងនៅពេលដែល ទឹកបាញ់មកលើឆាកនោះ គេឃើញថាអាវយឺតរបស់តារាចម្រៀងប្រុសរូបនេះ គឺបានទទឹកជោគព្រមទាំង ឆ្លុះបញ្ចេញសាច់ដុំ បង្អួតអ្នកគាំទ្រដែលកំពុងតែ ឈរមើលផ្ទាល់នៅទីនោះ ឲ្យជ្រួលច្របល់មិនតិចនោះទេ។ លើសពីនោះទៀត នៅពេលបានសម្តែងបានបន្តិចRavi ក៏បានដោះអាវរបស់គេចេញ បន្ថែមទៀតបង្ហាញនៅសាច់ដុំកង់ៗ នៅចំពោះមុខអ្នកទស្សនាផ្ទាល់ រាប់ម៉ឺននាក់នៅទីនោះផងដែរ៕