អបអរ ក្មេងខ្មែរ ជា សុជាតិ រកឃើញគូជីវិត ភ្ជាប់ពាក្យជាមួយនារីម្នាក់ដែលឃើញថតជាមួយគ្នាញឹក

កម្សាន្ត៖ កាលពីម្សិលមិញនេះ អ្នកលេងបណ្ដាញសង្គមមានការភ្ញាក់ផ្អើលជាមួយនឹងដំណឹងតារាចម្រៀងប្រុសមុខមានមន្ដស្នេហ៍ ក្រុម ក្មេងខ្មែរ ជា សុជាតិ បានភ្ជាប់ពាក្យជាមួយគូស្នេហ៍យ៉ាងសាមញ្ញ។ ជាមួយគ្នានេះ គេបានឃើញរូបភាពចែករំលែក ដែលកម្មវិធីភ្ជាប់ពាក្យមួយនេះ ប្រារព្ធឡើងយ៉ាងមានភាពស្ងប់ស្ងាត់។

ជាពិសេស អ្នកគាំទ្របានដឹងថា នារីដែលជាម្ចាស់បេះដូង សុជាតិ គឺគេតែងតែឃើញ ទៅណាមកណា មានមុខនាងទៅជាមួយជានិច្ច។ មិនតែប៉ុណ្នោះ អ្នកទាំងពីរពិតជាមានភាពល្អុងល្អឺននឹងគ្នា តាមរយៈការបង្ហោះរូបភាពជាមួយគ្នាយ៉ាងផ្អែមល្ហែម។

គួរបញ្ជាក់ផងដែរថា តារាចម្រៀងប្រុសទឹកដមពីរោះ ជា សុជាតិ និង គូដណ្ដឹង បានភ្ជាប់ពាក្យភ្ជាប់និស្ស័យកាលពីថ្ងៃទី១៤ ខែមីនា ឆ្នាំ២០២៤ នេះ ទន្ទឹមនឹងនោះ ហ្វេនៗក៏នាំគ្នាចូលរួមអបអរសាទរពេញបណ្ដាញសង្គម ហើយក៏ទន្ទឹងរងចាំថ្ងៃចូលរោងការរបស់អ្នកទាំងពីរទាំងក្ដីរំភើប៕