វ៉ៃហាំង ដើរតួក្នុងរឿងបុរាណបែបនេះ សង្ហាប្លែក មានមន្ដស្នេហ៍

កម្សាន្ត៖ ជាការពិតណាស់ តារាសម្ដែងប្រុស លោក ខាត់ វ៉ៃហាំង គឺជាតារាសម្ដែងដ៏ឆ្នើមមួយរូបដែលមានកេរ្តិ៍ឈ្មោះល្បីល្បាញ សមត្ថភាពសិល្បៈដ៏ជំនាញ លោកតែងតែសម្ដែងជាតួឯកទាក់ចិត្តអ្នកទស្សនាជានិច្ច។ ពិសេស មិនត្រឹមតែមានទេពកោសល្យសម្ដែងនោះទេ លោកក៏មានរូបសម្បត្តិសង្ហាធ្វើឲ្យមហាជនលង់ស្នេហ៍គ្រប់ៗគ្នាផងដែរ។

ថ្មីៗនេះ តារាប្រុសមុខមានមន្ដស្នេហ៍រូបនេះ បានបង្ហោះរូបភាពជាមួយនឹងឈុតសម្លៀកបំពាក់បែបសម័យបុរាណ ដែលលោកបានកំពុងតែថតរឿងភាគបែបបុរាណខ្មែរមួយ។ ជាមួយគ្នានោះ វ៉ៃហាំង ធ្វើម៉ូតសក់ប្លែកភ្នែក សម្លៀកបំពាក់ក៏ប្លែក គួរឲ្យចាប់អារម្មណ៍មែនទែន។

មិនតែប៉ុណ្ណោះ លោកបានថតរូបជាមួយសត្វដំរី នៅក្នុងទេសភាពព្រៃភ្នំ មើលទៅពិតជាស្រស់ស្អាត ឃើញតួអង្គប្រុសរូបនេះ ដូចជាយុវវ័យជំទង់ទើបនឹងពេញកម្លោះ។ លើសពីនោះ នៅពេល វ៉ៃហាំង សម្ដែងជាតួអង្គបែបនេះ ធ្វើឲ្យកាន់តែប្លែកអារម្មណ៍សម្រាប់អ្នកទស្សនាដែលធ្លាប់តែឃើញលោកសម្ដែងនៅក្នុងរឿងសម័យទំនើប៕

ប្រភព៖ vaihangha