កម្សាន្ត៖ កាលពីពេលថ្មីៗកន្លងទៅនេះ លោក ខាត់ វ៉ៃហាំង និង កញ្ញា ស៊ីន យូប៊ីន ដែលជាតារាសម្ដែងជួរមុខនៅក្នុងប្រទេសកម្ពុជា បានបង្ហោះរូបភាព និង វីដេអូ ដែលពួកគេបានចូលរួមនៅក្នុងកម្មវិធី The 10th Silk Road International Film Festival 2023 ដែលប្រារព្ធឡើងនៅប្រទេសចិន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយគ្នានេះដែរ តារាប្រុសស្រីរូបនេះ បានធ្វើឱ្យមហាជនចាប់អារម្មណ៍ និង មានក្ដីរំភើបជំនួស ក្រោយឃើញអ្នកទាំងពីរហោះទៅប្រទេសចិន ដែលទទួលបានការអញ្ជើញពីមហាស្របភាពយន្តអន្តរជាតិចិនជាភ្ញៀវកិត្តិយសចូលរួមក្នុងកម្មវិធីដ៏ធំអស្ចារ្យមួយនេះ។
នៅក្នុងនោះ វ៉ៃហាំង និង យូប៊ីន ក៏បានមានកិត្តិយសតំណាងឲ្យប្រទេសកម្ពុជាឡើងច្រៀងជាមួយនឹងតារាល្បីៗ២រូបដ៏ទៃទៀតនៃប្រទេសចិន។ មិនតែប៉ុណ្ណោះ អ្នកទាំងពីរបាននាំយកវប្បធម៌ខ្មែរទៅបង្ហាញនៅលើឆាកអន្តរជាតិមួយនេះ តាមរយៈសម្លៀកបំពាក់ និង នាំយកល្ខោនស្បែកធំ ក៏ដូចជាមានអប្សរារាំផងដែរ៕
ប្រភព៖ Khat Vaihang