កម្សាន្ត៖ ម្ចាស់ជ័យលាភីលេខ១ ក្នុងកម្មវិធីប្រឡងចម្រៀង «The Voice Cambodia» រដូវកាលទី១ លោក ប៊ុត សីហា រួមជាមួយបក្ខពួកម្នាក់ទៀត ត្រូវបានកម្លាំងនគរបាលស្រុកគងពិសី ឃាត់ខ្លួន ក្រោយរកឃើញគ្រឿងញៀនមួយចំនួន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ផងដែរថា ការឃាត់ខ្លួនតារាចម្រៀងរូននេះ ធ្វើឡើងកាលពីវេលាម៉ោង០៤និង១០នាទីរសៀលថ្ងៃទី១២ ខែកញ្ញា ឆ្នាំ២០២៣ នៅចំណុចភូមិត្រាំខ្នា ឃុំស្នំក្រពើ ស្រុកគងពិសី ខេត្តកំពង់ស្ពឺ ។
ក្រោមការចុះបង្ក្រាបរបស់មន្ត្រីនគរបាលស្រុកគងពិសី បានឲ្យដឹងថា មុខសញ្ញាជនសង្ស័យពាក់ព័ន្ធនឹងគ្រឿងញៀន ត្រូវបានចុះបង្ក្រាបភ្លាមៗដោយឃាត់ខ្លួនបានជនសង្ស័យចំនួន ០២ នាក់រួមមាន៖
ទី០១- ឈ្មោះ ឆន វល្លិន ភេទ ប្រុស អាយុ៣៨ឆ្នាំមុខរបរមិនពិតប្រាកដ រស់នៅភូមិត្រាំខ្នា ឃុំស្នំក្រពើ ស្រុកគងពិសី។និងទី០២-ឈ្មោះ ប៊ុត សីហា ភេទ ប្រុស អាយុ២៩ឆ្នាំ (ដែលគេស្គាល់ច្បាស់ថា ជាតារាចម្រៀងប្រឡងជាប់លេខ១ ក្នុងកម្មវិធីទូរទស្សន៍ល្បីមួយ) រស់នៅភូមិព្រះម្លប់ ឃុំភារីមានជ័យ ស្រុកបសេដ្ឋ ខេត្តកំពង់ស្ពឺ ។
គួរបញ្ជាក់ឡើងវិញថា តារាចម្រៀងរូបនេះ ក៏ត្រូវបានឃាត់ខ្លួនម្ដងរួចទៅហើយ ពាក់ព័ន្ធនិងករណីគ្រឿងញៀននេះ កាលពីល្ងាចថ្ងៃទី២១ ខែកុម្ភៈ ឆ្នាំ២០១៨កន្លងទៅ ស្ថិតនៅមុខសាលាបឋមសិក្សាពងទឹក សង្កាត់ពងទឹក ខណ្ឌដង្កោ រាជធានីភ្នំពេញ៕
ប្រភព៖ កោះសន្តិភាព
សូមទស្សនារូបភាពដូចខាងក្រោម៖
Bong I.T