អបអរសាទរ ម៉ាក សែនសូនីតា ទើបសម្រាលបានកូនប្រុសទី២ ម្នាក់ទៀត

ភ្នំពេញ៖ បើទោះបីជាមិនសូវបានលេចមុខនៅក្នុងវិស័យសិល្បៈដូចមុនក៏ដោយ តែសម្រាប់តារាសម្ដែងស្រី អ្នកនាង ម៉ាក សែនសូនីតា នៅតែទទួលបានការគាំទ្រ និងតាមដានពីទស្សនិកជន ចំពោះសកម្មភាពដ៏មានក្ដីសុខ បន្ទាប់ពីបានបញ្ចប់ភាពនៅលីវសាងគ្រួសារ និងទទួលបានចំណងស្នេហ៍កូនប្រុសដំបូងជាមួយនឹងស្វាមីរបស់នាង ផងដែរ។ 

យ៉ាងណាមិញ ថ្មីៗនេះ គឺជារឿងដ៏រីករាយចំពោះ តារាស្រី អ្នកនាង ម៉ាក សែនសូនីតា ព្រមទាំងស្វាមី បន្ទាប់ពីបានចេញមកបង្ហាញដំណឹងល្អនៅលើបណ្ដាញសង្គម ដែលរូបនាងបានសម្រាលបានកូនប្រុសទី២ ម្នាក់ទៀត ដ៏គួរឲ្យស្រលាញ់ និងមានសុខភាពល្អ ថែមទៀតផង។ 

ជាមួយគ្នានេះដែរ បណ្ដាហ្វេនៗជាច្រើន ក៏ដូចជាមិត្តៗនៅក្នុងសិល្បៈ ក៏បានមកចូលរួមអបអរសាទរចំពោះរូបនាង និងស្វាមី ដែលទទួលបានសមាជិកថ្មីម្នាក់ទៀត និងជួយឲ្យក្រុមគ្រួសារមួយនេះ កាន់តែមានភាពកក់ក្ដៅ ផងដែរ៕

សូមទស្សនារូបភាពខាងក្រោម៖ 

ប្រភព៖ https://www.facebook.com/maksensonita/posts/pfbid02imbVEFhyTPfhXfkijXFW97xM6Yo1ayir61Qz5mAT4KaP8iEbPZGM61FmRgJNT9sel