ក្រោយយំគឃូស ព្រោះគេជេ»រ»ប្រ»មា»ថ ស៊ឹម ថៃណា មានមិត្តសិល្បៈ ចេញការពារ លួងលោមព្រាត

ភ្នំពេញ៖ កាលពីប៉ុន្មានថ្ងៃមុននេះ តារាចម្រៀង ស៊ឹម ថៃណា បានធ្វើការ Live វីដេអូនៅលើគណនីហ្វេនប៊ុករបស់ខ្លួន ដោយបាននិយាយរៀបរាប់ទាំងទឹកភ្នែកសស្រាក់ព្រោះឈឺចិត្ត ពេលដែលនាងត្រូវបានបុរសម្នាក់ជេ.រប្រ.មា.ថនាងដោយពាក្យចំអាសអសុរោះ ខណៈពេលដែលនាងកំពុងធ្វើការជាអ្នកចម្រៀងនៅភោជនីយដ្ឋានមួយកន្លែង។

ទន្ទឹមនឹងនេះ ក្រោយកើតរឿងនេះឡើងចំពោះតារាស្រីម្ចាស់បទ «បេះដូងឆ្កួត» រូបនេះ ស្រាប់តែមិត្តៗនិងអ្នកនៅក្នុងចង្កោមសិល្បៈ ដូចជា តារាចម្រៀង យក់ ថិតរដ្ឋា អ្នកនាង ចន ចន្ទលក្ខិណា ម៉ៃ សុគន្ធ និងអ្នកផ្សេងៗទៀត ក៏បានចេញមកលួងលោម ក៏ដូចជាចេញមុខការពារ ចង់ឲ្យបុគ្គលដែលជេ.រប្រ.មា.ថ ស៊ឹម ថៃណា ចេញមកសុំទោសនាងនិងទទួលនូវកំហុសនេះផងដែរ។

គួររំឮកផងដែរ ស៊ឹម ថៃណា ជាតារាចម្រៀង ដែលបានប្រឡូកក្នុងវិស័យសិល្បៈជាច្រើនឆ្នាំណាស់មកហើយ។ ហើយគ្រាកន្លងមក នាងក៏មានបទចម្រៀងល្បីៗជាច្រើននៅក្នុងផលិតកម្ម M និងនៅតែមានឈ្មោះបោះសំឡេងមកដល់សព្វថ្ងៃ៕

ទស្សនារូបភាពខាងក្រោម៖