ភ្នំពេញ៖ អាចនិយាយបានថា បច្ចុប្បន្ន តារាកំប្លែង អ្នកនាង ស្រីលាភ នៅតែមានប្រជាប្រិយភាព និងទទួលបានការពេញចិត្តពីអ្នកគាំទ្រជាច្រើន ទៅលើសមត្ថភាព ពោរពេញដោយវោហាស័ព្ទចាក់ទឹកមិនលិច ផ្ដល់ជាសំណើច និងភាពរីករាយដល់ទស្សនិកជន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ក្រៅពីការងារនៅក្នុងវិស័យសិល្បៈដែលធ្វើឲ្យហ្វេនចាប់អារម្មណ៍ហើយនោះ ងាកមកមើលពី ជីវិតឯកជន និងការរស់នៅប្រចាំថ្ងៃរបស់តារាកំប្លែងរូបនេះ កាន់តែមានសុភមង្គល នៅពេលដែលបង្ហាញពីសកម្មភាពជួបជុំគ្រួសារ និងកូនៗ។ មិនត្រឹមតែប៉ុណ្ណោះ ថ្មីៗនេះ អ្នកនាង ស្រីលាភ ស្រាប់តែធ្វើឲ្យហ្វេនៗភ្ញាក់ផ្អើល ក្រោយពីរូបនាងបានបង្ហាញរូបភាពកូនស្រី ពេញវ័យក្រមុំចូលវ័យ ១៨ឆ្នាំ ជាមួយនឹងសារបង្ហោះរីករាយថ្ងៃកំណើតដល់ស្រីទៀតផង។
ជាមួយគ្នានេះដែរ បណ្ដាអ្នកគាំទ្រដែលបានឃើញហើយ ក៏បានចូលមកសរសើរ ចាប់ភ្លឹក ពីសម្រស់កូនស្រីរបស់នាង ទៅលើភាពស្រស់ស្អាតទាក់ទាញ មិនចាញ់អ្នកម្ដាយនោះឡើយ៕
សូមទស្សនារូបភាពខាងក្រោម៖