ភ្នំពេញ៖ អាចនិយាយបានថា ប៉ុន្មានថ្ងៃចុងក្រោយនេះ គេឃើញផ្ទុះការវែកញែករឿងមួយដែលកញ្ញា ហ្វា ហ្វា បានសម្ដែងជាមួយតួប្រុសលោក ឡៅ បញ្ញា មូលហេតុដែលធ្វើឲ្យអ្នកលេងបណ្ដាញសង្គមរិះគន់ ក៏ព្រោះតែឃើញឈុតឆាកខ្លះៗក្នុងរឿង មានភាពស្រើ.បស្រាលខ្លាំងពេក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ទន្ទឹមនឹងមានមហាជនរិះគន់លើសាច់រឿង និងតួអង្គសម្ដែង គេឃើញមានតារាសម្ដែងរូបសង្ហាលោក ប៉ែន ភ័ក្រ សុធារិទ្ធ បានបញ្ចេញមតិ និងអារម្មណ៍ខ្លួនផ្ទាល់ដូច្នេះថា៖
សម្រាប់ពួកយើងជាតារាសម្តែងក៏ដូចជាក្រុមការងារបានខិតខំគ្រប់បែបយ៉ាង មិនថាពិបាកឬហត់យ៉ាងណាក៏ពួកយើងប្រឹងប្រែងអស់ពីបេះដូង ទម្រាំបានមួយរឿងៗ។ ព្រោះតែការស្រលាញ់និងដើម្បីបម្រើអារម្មណ៍បងប្អូន ចឹងពួកយើងមិនចង់បានអ្វីក្រៅពីពាក្យលើកទឹកចិត្តនោះទេ។ តែបើមានកន្លែងណាខុសឆ្គងសូមបងប្អូនអភ័យទោស និងខមមិនដោយប្រើការកែលម្អ និងពាក្យសមរម្យដល់ពួកយើងផង។
គួរបញ្ជាក់ផងដែរថា លោក ប៉ែន ភ័ក្រ សុធារិទ្ធ និងកញ្ញា ហ្វា ហ្វា ជាមិត្តរួមសិល្បៈដែលមានភាពសិទ្ធស្នាលគ្នាខ្លាំង។ ហើយមូលហេតុដែលតារារូបនេះចេញមុខមកនិយាយបែបនេះ ក៏ព្រោះតែចង់ឲ្យមហាជនចូលរួមរិះគន់ដើម្បីជាការកែលម្អ ជាងរិះគន់ជាន់ពន្លិច៕
សូមទស្សនារូបភាពខាងក្រោម៖
Bong I.T